banner 1000x250

Fasilita Youtubers, SECOMS buka Dalan dada Youtube ho Google mai TL

  • Share
SEKOMS, Expedito Dias Ximenes. Foto: Media SECOMS
banner 728x90

𝗗𝗶𝗹𝗶, www.news-viptv.com – Sekretariu Estadu Komunikasaun Sosial (SECOMS), Expedito Dias Ximenes iha workshop ne’ebe organiza hosi Casa de Produção Audiovisual (CPA) ba youtuber sira, SECOMS sei buka dalan hodi dada youtube ho google mai Timor-Leste hodi fasilita merkadu teknolojia iha Timor-Leste.

“Ita buka, iha dalan atu Youtube ho Google bele mai iha Timor,” dehan Expedito ba partisipante workshop ho Tema Juventude Timorense iha tempu Agora.

Prezidente CPA, Rui Maukandala. Foto: Lucitania Barreto/VIP TV

Governu, esplika Expedito, iha politika IX Governu Konstitusional ba area komunikasaun social fo atensaun mos hodi promove kreatividade foin-sa’e sira iha sira nia atividade. Tamba ne’e, Sekretáriu Estadu husu atu foin-sa’e sira kontinua kreatividade ne’ebé iha hodi produz barak liu-tan kontiudu inspitrativu sira no motiva malu nafatin ho lingua oioin hodi manan merkadu dizitál iha mundu.

Hatan ba lamentasaun youtubers sira ne’e governu atual la kontinua kompetisaun youtubers ne’ebe uluk halao hosi govenru anterior, membru govenru ne’e hateten, presiza haree fila-fali mekanizmu ne’ebé di’ak liu hodi garante programa ne’ebé de’it tenke iha sustentabilidade.

Ba workshop ne’e, SECOMS hateten, “orgullu ho CPA ne’ebe ho inisiativa ne’ebe diak organiza joven sira hodi prepara Joven sira iha setor oi-oin, li-liu iha komunikasaun sosial hodi hatudu sira nia talentu iha parte media nian hanesan Youtuber, filmajen, jornalista no mos audio visual tamba ita hatene joven mak futuru ba nasaun,” dehan Expedito ba jornalista sira, Sexta (20/10/2023), iha Xanana Sport Center, Dili.

Tamba ne’e, ho programa ne’e, bao in SEKOMS sei apoia juventude sira ne’ebe iha telentu ba area komunikasaun social ba iha sira nia atividade.

Prezidente CPA, Rui Maukandala esplika katak objetivu organiza programa ne’e maka fo posibilidade ba joven sira ne’ebe iha kreativu no talentu oi-oin tamba dala-barak sira seidauk hatene oinsa atu espresa sira nia ideas ou talentu ho Nunee CPA hakarak haforsa tan joven sira nia talent.

“CPA nia prenzensa simplesmente organiza i fo plataforma ida atu sira bele iha esperiensia liu tan hodi espresa sira nia talentu no matenek nune’e hodi atrai joven sira seluk ne’ebe hakarak dezenvolve sira nia talenta,” hateten Rui.

  • Share

Leave a Reply

Your email address will not be published. Required fields are marked *

error: Content is protected !!