banner 728x250

EUA Apoia Jurnalista Timoroan sira Luta Kontra Dezinformasaun

  • Share
Jornalista Timoroan sira ne'ebe partisipa iha Akampamentu Tekniku ba Kontra Desinformasaun. Photo: Media Embaixada EUA
banner 468x60

DILI, www.news-viptv.com – Estadu Unidas Amerikanu (EUA)  liu hosi nia embaxada iha Dili organiza programa Akampamentu Tékniku ba jornalista Timoroan liu 50 hodi dezenvolve abilidade no instrumentu teknolojia hodi kombate informasaun la loos liu husi haforsa verifikasaun faktu nian.

Komunikadu imprenssa ne’ebe redasaun simu esklarese, Akampamentu Téknika ne ‘e hala’o ho kolaborasaun hamutuk ho Asosiasaun Jornalista Timor Lorosa ‘e (TLJA) no Timor-Leste Press Union (TLPU) no ho apoiu finansiamentu husi Ministériu Negósiu Estranjeiru EUA nia Departamentu ba Asuntu Edukasional no Kulturál. Ida ne’ e hanesan ba dala uluk programa ida kona-ba Akampamentu Téknika nian ne’ebé hala’o iha Timor-Leste.

banner 336x280

Akampamentu Tékniku ne ‘e halibur jornalista Timoroan foin sa ‘e liu 50 iha Dili ba programa ne’ e, ne’ebé hala’o iha loron 16,17 no 23 fulan Outubru. Partisipa virtualmente husi Estadus Unidus, Indonézia no Filipina, treinadór jornalista senior nain hat fahe koñesementu no esperiensia no diskuti prátika diak liu hodi hametin jornalizmu investigativu ne’ebé bazeia ba realidade iha Timor-Leste hodi luta kontra dezinformasaun. Jornalista Timoroan sira ne’ebé partisipa iha programa ne’ e hetan ‘fini finansiamentu’ hafoin hala ‘o tiha Akampamentu Téknika hodi fó apoiu liu tan ba esforsu lokál nian atu hametin atividade verifikasaun faktu.

“Ami sente haksolok tebes atu organiza Akampamentu Tékniku ida ne ‘e, iha momentu krítiku ida ne’ e. Pandemia COVID-19 lori ona dezafiu kritiku ne’ebé hamosu impaktu dezinformasaun ba sidadaun sira iha ita nia nasaun rua ne ‘e kada loron,” hatete Enkaregadu Negósiu Embaixada EUA, Tom Daley.

Nia dehan tan, “Sosiedade demokrátiku sira harii bazeia ba direitu no liberdade espresaun. Maske nunee, liberdade ne’e dala barak utiliza atu kria istória falsu no rumores – dala barak ho konsekuensias neebé seriu. Tanba ne’e, importante tebes ba jornalista sira atu bele hatene identifika informasaun ne’ebé laloos iha notisia no mós media sosiál. ”

Jurnalista senior ne’ebé involve iha Akampamentu Tékniku ne’e mak hanesan Deborah Nelson, Professor ba Jurnalizmu Investigativu husi Universidade Maryland; Aribowo Sasmito, Co-Fundador no Espesialsta Verifika Faktus husi MAFINDO, organizasaun laos lukrutivu ne’ebé harii ba kombate dezinformasaun; Karol Ilagan, Editorial Director husi Philippine Center for Investigative Journalism; no Wahyu Dhyatmika, Editor-in-Chief of Tempo.co.

Akampamentu Tékniku mak programa ida ne’ebé organiza husi Ministériu Negósiu Estranjeiru EUA nia Departamentu ba Asuntu Edukasional no Kulturál. Akampamentu Tékniku halao iha nasaun sira iha mundu tomak atu fasilita ligasaun entre partisipante sira ho espesialista teknolojia sira atu kria solusaun teknolojia inovativa no harii abilidade dijital hodi kria solusaun konkreta ba dezafiu real mundu nian.

banner 336x280
Writer: MARTINS, NatalinaEditor: MEILANA, Evangelisto Santos
banner 120x600
  • Share

Leave a Reply

Your email address will not be published. Required fields are marked *