Suporta TL Tama ASEAN, Singapura Sei Apoia Dezemvolve RH

PHNOM PENH, www.news-viptv.com – Estadu membro no nasaun fundador Association South East Asian Nations (ASEAN) Singapura komitmentu hodi apoia dezemvolve Rekursu Humanus (RH) ba Timor-Leste wainhira tama ASEAN.

Komitmentu Singapura nian ne´e hato´o deretamente hosi nia Minisitru Negosiu Estranjeiru, Vivian Balakrishnan iha inkontru ho Ministra Negosiu Estranjeiru no Kooperasaun Timor-Leste, Adaljiza Magno iha âmbito ASEAN Regional Forum (ARF) dala dala 29 ne´ebe realiza iha Phnom Penh, Kambodia, Kuarta (3/8/2022).

“Ministru Balakrishnan konfirma ona suporta Singapura nian ba adezaun Timor-Leste ba ASEAN. Singapura komitmentu nafatin atu desenvolve kapasitasaun hodi haforsa rekursu humanu Timor-Leste nian,” dehan Ministru Balakrishnan iha komunikadu imprensa ne´ebe redasaun simu.

Iha inkontru ne´e, ministra Magno mos informa Misuan Esploratoriu ASEAN nian ne´ebe vizita Timor-Leste foin lais ne´e. Inklui intesaun Prezidenti Republika Timor-Leste nian atu viizta Singapura iha semana daruak Setembru tinan ne´e.

Hola prezensa iha inkontru refere, Embaixador TL ba Kambodia, Hermenegildo Kupa Lopes, Diretora Jeral assuntu ASEAN, Milena Rangel, Diretora Nasional Pilar Politika no Seguransa ASEAN, Elisa da Silva, Diretor Nasional Pilar Ekonomia ASEAN, Aleixo Gusmão no assessor ba ministra, Carlos de Araujo.