Uma 2 iha Covalima Estragus Kauza Rai Halai, 1 Mate iha RAEOA Tamba Mout

DILI. www.news-viptv.com  – Autoridade Protesau Sivil (APC) relata uma rua hetan estragus iha Munisipiu Covalima tamba impaktu husi dezastre naturais rai halai.

Porta-voz APC atual xefi Seksaun Komunikasau iha Gabinete Relasaun no Externa APC, Nelson Orleans esplika, durante period 7 to’o 14 Abril 2025, CNOPC-APC rejista deit uma 5 ne’ebe hetan estragus tamba dezastre naturais.

“Durante semana ida ne’e, îha rejiaun Timor-Leste normal no akontese tipu dezastre maka CNOPC- APC rejistu, kazu dezastre hamutuk mak hanesan, rai halai uma 2, ahi han uma 1, anin sobu uma 2. Priense kriteria 3, apoiu de emerjensia 2, numeru ema afetadus 27, ema evakua 16,” dehan Nelson ba jornalista sira iha konferensia imprensa, segunda (14/4/2025), iha edifisiu APC, Kaikoli, Dili.

Nelson esklarese, uma 2 komunidade nian ne’ebe hetan estragus tamba rai halai iha Munisipiu Covalima ne’e akontes eiha 5 Abril 2025, iha Aldeia Nano, Suku Nano, Postu Administrativu Fatumean.

“Uma nain evakua ba vizinu nia uma,” nia dehan.

Ba uma ida iha Munisipiu Liquisa ne’ebe husi anin bo’ot, hafoin verifika, latama kategoria reekopera nian no fo apoiu deit emerjensia. Uma ne’e rejista husi  Aldeia Villa, Suku Vaviquinia, Postu Administrativu Maubara, akontese iha 4 Abril 2025.

Nune’e mos uma ida iha Lautem ne’ebe relata ahi han iha Aldeia Loiguero, Suku Mehara, Postu Administrativu Tutuala ne’ebe akontes eiha 6 Abril 2025, hafdoin halo verifikasaun la tama kategoria, tamba ahi han uma iha parte dapur deit no simu apoia emerjensia ona husi APC Lautem.

Husi dadus antigun, Nelson mos informa ani bo’o ne’ebe akontese iha 9 fevereiru 2025, iha Aldeia Uaibobo, Suku Ossorua, Postu Administrativu Ossu, Munisipiu Viqueque hetan ona verifikasaun no tama iha kategoria a’at naton.

Alende uma ne’ebe hetan estragus, APC RAEAO relata ema ida mate ho naran Atanazio do Rosario Tolan (tinan 2) ne’ebe mate tamba mout iha mota wainhira ho nia inan fase ropa no monu ba mota laran. Akontesementu ne’e akontes eiha Suku Banafi-Nitibe, iha 9 Abril 2025, tuku 10 dadersan.