Anin Bo’ot Kontinua Estraga Komunidade nia uma iha Munisipiu 4

Dili, www.news-viptv.com – Anin bo’ot ne’ebe akontese iha periodu loron 6 to’o 13 Outubru 2025, kontinua estraga komunidade nia uma sira iha munisipiu 4.

Iha atualizasaun dadus dezastre naturais, Autoridade Protesaun Sivil (APC) informa munisipiu 4 ne’e maka, Baucau, Aileu, Ermera no Viqueque.

Xefi Seksaun Komunikasaun GREC-APC, Genoveva Fernandes Almeida esplika total uma komunidade ne’ebe hetan estragus hamutuk iha 33.

“Uma estragus 33 ne’e husi anin sobu uma iha 22, ahi han uma 10, no rai halai 1. Priense kriteria ba apoiu rekoperasaun 22, apoiu deit emerjensia 11, numeru ema afetadus 161, ema evakua 18,” dehan Porta Voz APC nian ne’e ba jornalista sira iha konferensia imprensa, Segunda (13/10/2025), iha edifisiu APC Kaikoli, Dili.

Uma ne’ebe hetan estragus ne’e ho nia detaillu Municipiu Aileu iha Anin Sobu Uma 2, Baucau: Anin sobu uma 6, ahi han uma 4, Bobonaro: ahi han uma 3, Covalima: ahi han uma 1, Ermera: anin sobu uma 12, rai halai 1, Liquiça: ahi han uma 1, Viqueque: anin sobu uma 2, Lautem: ahi han uma 1.