![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
![banner 828x90](https://news-viptv.com/wp-content/uploads/2026/08/desain-iklan.jpg" "banner 928x90")
SEATOU Kondena Ajénsia no Sidadaun Xineza ne’ebé Sobu Jardín iha Aimutin hodi Fasilita Asesu ba Loja.
DILI www.news-viptv.com – – Sekretariadu Estadu Asuntu Toponímia no Organizasaun Urbana (SEATOU), Germano Santa Brites Dias, kondena maka’as atitude husi ajénsia no sidadaun estranjeiru (Xineza), sira-ne’ebé estraga no sobu fasilidade públika, liliu jardín foun ne’ebé foin de’it konstrui iha área Aimutin, hodi fasilita de’it asesu ba sira-nia loja.
Atu hatán ba kazu ne’e, SEATOU servisu hamutuk kedas ho Polísia Nasionál Timor-Leste (PNTL) hodi bolu ajénsia no sidadaun estranjeiru refere ba presta deklarasaun. Autoridade sira mós sei fó sansaun liuhosi prega multa no dada fita polísia hodi serka netik área konstrusaun nian.
“Ita fó sansaun multa no dada fita haleu konstrusaun ne’e. Sira tenke hadi’a filafali jardín ne’e ba nia orijin, foin bele kontinua fali sira-nia konstrusaun,” dehan SEATOUiha publikasaun Xanana ba EmaHotu.
SEATOU hato’o nafatin apelu ba sidadaun hotu, inklui empreza no sidadaun estraunjeiru sira, atu kumpri regras orden públiku no labele estraga patrimóniu estadu nian ne’ebé halo ho osan povu, hodi hafurak kapitál sidade nian.
