Partisipa ASEAN-Japan Summit, Japaun Hakarak Fortaleza Relasaun ho Timor-Leste

DILI, www.news-viptv.com  – Embaixadór Japaun mai Timor-Leste, Kimura Tetsuya informa Governu Japaun hakarak fortaleza nia relasaun iha reuniaun bilateral ho Timor-Leste wainhira partisipa iha Association of Southeast Asian Nations (ASEAN) – Japan Summit ne’ebe sei realiza iha Tokyo, Japaun.

Iha reuniaun bilateral ne’e, esplika Kimura Tetsuya, Primeiru Ministru (PM) Japaun, Fumio Kishida sei maka sei simu PM Kay Rala Xanana Gusmão.

“Ohin hau mai hasoru primeiru ministru hodi hato’o boas vindas hosi Governu Japaun nian, tanba primeiru ministru sei ba viizta Japaun iha loron tolu tuir mai. Hau esplika ajenda rua, primeiru sobre simeira Japaun nian, no senariu re-reuniaun bilateral entre Xefe Governu rua,” hateten Tetsuya ba jornalista sira hafoin hasoru malu ho PM Xanana, Segunda (11/12/2023), iha Palacio do Governo, Dili.

Tuir ajenda, PM Xanana sei arranka ba Japaun iha Kinta (14/12/2023) no sei fila hikas mai Dili iha kuarta (20/12/2023).

Simeira ASEAN Japaun atu kria hamutuk futuru ida ne’ebé bazeia ba parseira sinsera nian, no sai xavi prinsipál tolu hanesan, paz no estabilidade, interkámbiu pesoál ba kulturál, kapasitasaun ba jerasaun foun Timor-Leste nian no kriasaun ekonomia no sosiedade futuru.