SEA Games 2022 I Timor-Leste 2 – 3 Myanmar

  • Share

HANOI, www.news-viptv.com – Golu Mouzinho de Lima ho Jaimito Soares iha parte daruak kontra Myanmar kontinua labele salba Timor-Leste hosi lakon, hafoin iha tempu injury time Aung Soe hatama golu ne’ebe lori Myanmar manan iha jogu ne’e.

Jogu ne’ebe halao iha Viet Tri Stadium, Phu Thou, Vietnam, Domingu (8/5/2022), iha Parte daruak, Timor-Leste ne’ebe treina hosi Fabio Silva konsege hatudu jogu diak hodi bele duni derrota golu 2-0 ne’ebe hetan iha parte dahuluk ne’ebe golu rua Myanmar nian hatama hosi Win Tun iha minutu 37 no Htet Wai iha minutu 41.

banner 336x280

Mouzinho Lima ne’ebe tama troka Elias Mesquita, konsege hatudu nia kualidade nudar avansadu ne’ebe diak liu hosi golu free kick ne’ebe nia hatama iha minutu 51.

Jaimito Soares ne’ebe joga nudar defeza iha jogu ne’e mos aumenta tan vontade jogu nia kolega sira hafoin halo golu iha minutu 64Liu hosi bola barullu ne’ebe nia hetan hafoin defeza Myanmar labele antisipa diak bola kantu ne’ebe lansa hosi Mouzinho Lima.

Iha Parte dahuluk, Timor-Leste lolos bele hatama golu liu hosi Natalino Costa iha minutu 12, maibe bola remata ne’ebe nia husik hosi nia ain los kona det ring baliza.

Timor-Leste sei iha tan jogu rua kontra Indonesia no Vietnam.

Skuad: Quincy Boltron (GK), Jaimito Soares, Tomas Sarmento, Jhon Fritz, Elias Mesquita, Alexandro Kefi, Yohanes Gusmão, Armindo Almeida, Zenivio Conceicao, Flimoneo Costa, Natalino Costa
Rezerva: Nelson Viegas, Orcelio Guterres, Dom Braz, Anizio Correia, Mouzinho Lima, Gumario Silva, Cristovao Fernandes, Joao Halle, Georgino Silva.

Myanmar: Pyae Thu, Hein Lin, Soe Kyaw, Thet Soe, Van Soe, Lwin Aung, Myat Khant, Htet Wai, Win Tun, Aung Soe, Zaw Thein.
Rezerva: Win Kyaw, Mo Lwin, Wai Aung, Aung Mann, Ye Htet.

  • Share

Leave a Reply

Your email address will not be published. Required fields are marked *

error: Content is protected !!