Vizita Wang Yi, Hametin Koperasaun Bilateral China ho Timor-Leste

DILI, www.news-viptv.com – China kontinua hatudu nia komitmentu iha koperasaun bilateral entre China ho Timor-Lesste liu hosi vizita servisu Konselleiru Estadu no Ministru Negosiu Estranjeiru, Wang Yi mai Timor-Leste durante loron rua, hahu 3 to’o 4 Junu.

Wang Yi to’o iha Dili ho nia delegasaun Sexta (3/6/2022) lokoraik tuku 15.30 liu hosi Aeroportu Internasional Prezidenti Nicolau Lobatu no simu hosi Vise Ministru Negosiu Estranjeiru no Koperasaun, Julio da Silva.

“Ministru  dos Estrangeiros  Wang Yi kolia  asuntus barak, asuntus koperasaun  entre Timor-Leste ho China atu hametin relasaun bilateral liliu ba area ekonomia nian, sira mai halo investimentu iha ne’e liliu iha area agrikultura , peskas no mos seluk-seluk tan,ita mos agradese ba sira liliu kontribuisaun ne’ebe durante pandemia no mos inundasaun iha tinan kotuk,ita hatene katak Apoiu china laos iha deit ba area saude nian,maibe mos ba iha area defeza , agrikultura, edukasaun,” dehan Ministra Adaljiza Magno.

Iha vizita servisu nian ne’e, Wang Yi sai testamuna ba asina akordu koperasaun tolu ne’ebe governu rai rua konkorda ba koperasaun ekonomia, komunikasaun broadcasting no saude.

“Relasiona ho tratadus ne’ebe mak ohin asina, ohin asina akordu hat 4, ida kona ba apoiu saude nia ne’e kontinuasaun nian,rua kona ba area telkomunikasoes nian mapkoms,tolu kona ba akordu ekonomiku, ida fali la konsege asina maka airservices agreement, tanba la iha diskusoens balun maka seidauk iha akordu kona-ba artigu balun ne’e mak hodi seidauk, maibe sei hadia fila fali to’o tempu portunu para halo fali diskusaun,” dehan Ministra Adaljiza Magno.

Hafoin inkontru ofisial entre delegasaun rai rua ne’e, Wang Yi halo vizita kortezia hasoru Primeiru Ministru Taur Matan Ruak no iha hasoru malu ne’e, Primeiru Ministru Taur agradese ba apoiu ne’ebe governu China fo ona durante ne’e ba Timor-Leste.

‘’Nia agradese no fo amizade entre China ho Timor no ita hotu hatene katak primeiro ministro sublinha dala ida tan katak amizade Timor ne’e laos komesa deit restaurasaun da independensia, povo ho povo ne’e tinan barak ona ne’ebe ita hakarak kontinua  nafatin ita nia  amizade, iha akordu ona entre pais rua ne’e entre protokolu para hodi fasilita bele mai lalais.’’

Wang Yi vizita Timor-Leste hafoin halo vizita servisu durante semana ida ba nasaun sira iha Ilha Pasifiku.

Reporter: Gantry Meilana  I  Cameraman: Leonito de Fatima