Olympic Games Tokyo 2020 I Felisberto: Hau Sei Hatudu Performance Diak

VIPTV, DILI – Atleta Olimpiku, Feliberto de Deus ne’ebe representa Timor-Leste iha jogu Olympic Games 2020 Tokyo promote sei hatudu nia performance diak.

Felisberto iha jogu Olimpiku sei kompete iha numeru 1.500 metru, no kompetisaun ne’e rasik sei realiza dadersan ne’e iha tuku 10 dadersan oras Tokyo.

“ Hau nia esperansa iha jogu orsida, hau sei hatudu nafatin hau nia performance nebe diak, lakon ka manan, laiha problema, importante hau tenki hatudu hodi kompete ho nasaun seluk,” dehan Felisberto ba VIPTV via whatsapp messenger, Tersa (3/8/2021).

Alende Feliberto, Timor-Leste mos haruka atleta olimpiku rua seluk maka Imelda Felychita Belo ho Jose da Silva Viegas.

Felisberto de Deus moris iha Ermera, 7 Junu 1999.Representa dala barak ona Timor-Leste iha eventu internasional tantu iha SEA Games, Asian Games no jogu kampionatu internasional balun.

Partisipasaun Timor-Leste iha jogu Olimpiku desde tinan 2000 wainhira haruka nia atleta Marathona Aguida Amaral uza bandeira IOC (Olimpiku Internasional) reprezenta Independent Olympic Athlete.