Timor-Leste No MBD Diskute Ligasaun Marítima Atu Fasilita Komérsiu No Turizmu
Ataúro, wwwnews-viptv.com — Governu Timor-Leste no Governu Munisípiu Maluku Barat Daya (MBD), Provínsia Maluku, Indonézia, diskute oportunidade atu dezenvolve ligasaun marítima entre territóriu rua, hodi fasilita atividade komérsiu transfronteirisu, aumenta movimentu ema no sasán, no loke oportunidade foun ba dezenvolvimentu turizmu.
Diskusaun ne’e hala’o iha atividade Atauro Weekly Export Market, iha Ilha Ataúro, Timor-Leste, iha loron 16 Outubru 2026. Enkontru ne’e envolve autoridade governamentál, reprezentante emprezáriu no komunidade sira husi Timor-Leste no Maluku Barat Daya, atu ko’alia kona-ba oportunidade komérsiu, mekanizmu esportasaun no importasaun ofisiál, no posibilidade dezenvolve transporte marítimu entre área fronteira sira.
Atividade ne’e loke husi Ministru Indústria no Komérsiu Timor-Leste, Filipus Nino Pereira, ho prezensa Embaixadór Índia ba Timor-Leste, Shri Mahendra Singh Patiyal, no Presidenti Autoridade Munisipiu Ataúro, Mateus Belo noDelegasaun Maluku Barat Daya ne’ebelidera husi Sekretáriu Rejionál MBD, Eduard J. S. Davidz, ne’ebé akompaña husi Xefe Ajénsia Fronteira MBD, Alexander S. Olivier, Xefe Subdistritu Wetar Barat, Frangky Nahakwain, no reprezentante Kámara Komérsiu no Indústria MBD, Thomas Melaira, Lider suku no komunidade sira husi Wetar no Wetar Barat mós partisipa iha atividade ne’e, hodi aprezenta produtu lokál sira husi setór agrikultura, plantasaun no peska.
Rota marítima Dili–Ataúro–Kisar–Moa sai diskusaun importante
Iha diskusaun ne’e, parte rua konsidera posibilidade atu dezenvolve rota transportasaun marítima ne’ebé liga Dili, Ataúro, Lirang, Ilwaki, Kisar, Leti no Moa, inklui rota fila-fali entre lokalidade sira ne’e.
Aleinde ne’e, diskusaun mós inklui posibilidade atu estende konektividade ba parte leste Timor-Leste, inklui munisípiu Baucau no Lautém.
Se planu ne’e bele realiza, ligasaun marítima sei iha potensiál atu fasilita movimentu ema no sasán, hadi’a distribuisaun produtu lokál, no loke asesu merkadu ba emprezáriu no komunidade sira iha área ilhas no fronteira.
Konektividade marítima ne’ebé di’ak bele sai fator importante atu suporta komérsiu transfronteirisiu
