Selebra Loron Mundial Redusaun Risku Dezastre, APC Realiza Doasaun Ran

Dili, www.news-viptv.com – Hodi selebra loron mundial redisaun risku dezastre iha Timor-Leste, Autoridade Protesaun Sivil (APC) servisu hamutuk ho nia parseira realiza atividade doasaun ran iha edifisiu Cruz Vermelha Timor-Leste (CVTL), Segunda (13/10/2025).

Doasaun ran ne’e loke dereta husi Sekretáriu Estadu Protesaun Sivil, Domingos Mariano Reis no Sekretáriu Jeral CVTL Agapito da Silva, Vise Prezidente CVTL Marçal Freitas Magno, no Xefe Departamentu Banku e Sangue HNGV Alexandrinho Mendonça.

Ho tema Ran Turuk ida, Hodi Salva Ema Seluk Nia Moris, sekretariu estadu hataten, misaun Protesaun Sivil nian atu servi no proteze sidadaun Timorense husi kauza dezastre ou kata estropis.

“Doasuan ran ida ne’e fasparte ida husi asistensia humanitaria, hodi proteze ita nia sidadaun sira husi kauza ion-ion no ba sira ne’ebe moras iha HNGV ne’e presija ita nia asistensia, no asistensia mak hanesan exemplu simples,” dehan sekretariu estadu ne’e.

Rezultadu doasaun ran ne’e sei fo ba Banku de Sangue hodi apoiu pasiente sira ne’ebe mak iha HNGV.

“Ida ne’e importante tebes para bele halo balansu promove okunpaja ba orsamentu estadu hodi garantia sustentavel ba dezemvolvimetu pais nian, ita nia gastu kiik mais resjultadu ne’ebe bo’ot, impaktu ne’ebe boot Kontribui direita ba ita nia sidadaun sira,” hateten membru governu ne’e.

Ho atividade ne’e, sekretariu estadu ne’e husu ba publiku no funsionariu publiku hotu iha governu bele doasaun nian ran hodi bele apoiu sira ne’ebe persiza ran, liliu pasiente sira iha HNGV.

Vise-Prezidente CVTL, Marcal Freitas Magno hateten, ran ne’e importante tanba iha minutu ida nia laran ran tutur ida mak lakon bele hakotu ema nia vida, ida fali mós falta ran tutur ida iha minutu ida nia laran bele hamoris ema ida nia vida.

“Tanba ne’e ita nia saude ne’e importante, saude ne’e iha ita liman rasik oinsa mak proteje ita nia saude, oinsa  mak proteje ita nia vida, ita presija hadia ita nia prostura,” nia dehan.

Xefe Departemento Banku de Sangue iha HNGV, Alexadrino Mendonca hanesan hatete, aktividades ba doasaun ran ne’e importante tebes hodi salva ema sira ne’ebe hetan susar baixa iha HNGV.

“HNGV kada loron ida oferese ran ba pasiente sira, kada departamentu ne’ebe estabelese iha HNGV total 40, ida ne’e kada loron no kada fulan ida ami oferese fulan ida ne’e total 700 resin,” nia informa.