SECOMS-ARKTL, Halo Interkambiu ba Jornalista Radiu Difusão

BALIBO, www.news-viptv.com – Sekretáriu Estadu Komunikasaun Sosial (SECOMS) hamutuk ho Asosiasaun Radiu Komunidade Timor-Leste (ARKTL), hala’o mini seminariu literasia no interkambiu Jornalista Radiu Difusão, estudante no profesores, Tersa (14/10/2025), iha Balibo.

Prezidenti ARKTL, Prezario Ximenes hateten, objetivu atividade ne’ebe ARKTL kria hodi fahe esperiénsia ba malu, liliu ba jornalista radiu komunitaria, ne’ebe servisu voluntariu tinan barak no oinsa bele atrai foin sa’e sira ne’ebe hakarak servisu mos voluntariu, inklui mos oinsaatu kria website ba radio sira.

“Programa ida-ne’e foin realiza primeira vez ,husu ba kolega radiu komunidade sira utiliza biban ida ne’e, atu bele halo esforsu brak liu tan hodi dezenvole setor komunikasaun iha Timor-Leste, liu-liu iha media komunitaria,” dehan Prezario Ximenes.

Iha fatin hanesan, Gestor Radio Akademiku UNTL, Miguel Gonsalves hateten, atividade ne’e importante ba sira nu’udar jestor tamba bele aprende tan buat foun ba  servisu radio nian maka oinsa kria konteudu ba forma media online ba radiu nian, no inklui kria website ba kada radio.

“Radiu ne’e dalaruma tamba nia frekuensia ki’ik, ema ladun asesu barak, maibé oportunidade ida-ne’e bele ajuda ami atu fo sai ami nia informasaun sira alende audio, ami mos bele posting simplis sira inklui masimu sira liu husi website atu fasilita audensia ne’ebe la asesu iha kualker ladu do mundu. Ami hanoin ida ne’e  importante los ba ami tamba mundu ohin loron modernu  ona, radiu sira mos tenki akredu ona sira nia an tama iha mundu dijitalizasaun ne’ebe mak ita infrenta,” hateten Miguel.