![banner 1000x250](https://news-viptv.com/wp-content/uploads/2024/03/BANER-KURSU-VIP.jpg" "banner 1000x250")
![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
DILI, www.news-viptv.com – Funu ne’ebe akontese entre Ukranianu ho Rusia ne’ebe rezulta estragus no krizi umanitaria bo’ot iha Ukranianu, desidi governu Timor-Leste fo apoiu osan Miliaun US$ 1.5 hodi ajuda umanitaria ba povu Ukranianu.
Liu hosi komunikadu immprensa ne’ebe publika hosi Page offisial Ministru Prezidénsia Konsellu Ministrus, Fidelis Manuel Leite Magalhães, hala’o sorumutuk ho Koordenadór-Rezidente Nasoins Unidas nian iha Timor-Leste, Roy Trivedy no Diretór Programa Ai-han Mundiál (WFP, World Food Programme) iha Timor-Leste, Dageng Liu.
Iha sorumutuk ida-ne’e, Roy Trivedy no Dageng Liu felisita no fó agradesimentu boot ba jestu solidariedade nian husi Governu Timor-Leste ne’ebé deside iha Konsellu Ministrus nian hodi fó donativu ho valór dolar amerikanu millaun 1,5 ba WFP nian hodi kontribui ba ajuda umanitária ba povu ukranianu.
Liu ema millaun 1,7 resin maka halai sai husi Ukránia tamba konflitu ne’e no hamosu krize umanitária ne’ebé boot iha Europa husikedas Funu Mundiál Daruak.
Responsável Nasoins Unidas nian salienta katak Timor-Leste mak nasaun primeiru iha sudoeste aziátiku mak fó kontribuisaun finanseira ba ajuda umanitária ba povo ukranianu.
Ministru Prezidénsia Konsellu Ministrus no responsável rua Nasoins Unidas nian koalia mós kona-ba seguransa ai-han iha rai laran no mós kona-ba faze foun programa “cesta básica” nian no kona-ba oinsá bele promove produsaun lokál no deversifikasaun alimentár.
