Half Time: Timor-Leste Derota Hela 1-0 hosi Filipina

HANOI, www.news-viptv.com – Selesaun Futebol Timor-Leste iha jogu dahuluk SEA Games 2022 kontra Filipina, dadauk ne’e iha tempu half time derrota hela 1-0, Sexta (6/5/2022), iha Viet Tri Stadium, Phu Tho, Vietnam.

Golu Filipina nian ne’e hatama hosi Christian Mangaron liu hosi golu kabesa ne’ebe nia halo iha minutu 11.

Timor-Leste ne’ebe treina hosi treinador Brazileiru, Fabio da Silva iha jogu ne’e hetan deit oportunidade ida liu hosi Cristovao, maibe bola assist ne’ebe husik hosi Elias Mesquita labele konserva sai golu.

Nune’e mos Filipina, iha minutu lolos bele aumenta tan golu, maibe bola ne’ebe Bedic hetan hela det face to face ses dook hosi baliza Timor-Leste.

Timor-Leste iha jogu SEA Games Vietnam hamutuk ho uma nain Vietnam, Indonesia, Filipina no Myanmar iha Grupu A. Entertantu, iha Grupu B Thailandia hamutuk ho Malaysia, Kambodia, Singapore ho Laos.