Tsuneishi Shipbuilding Involve Timoroan 37 Servisu Nu’udar Dezenador Ro

DILI, www.news-viptv.com – Timoroan nain 37 hetan oportunidade hodi involve iha projetu dezena ro nian husi kompana Tsuneishi Shipbuilding nu’udar dezenador ro.

Timoroan nain 37 ne’e relata husi Embaixador Japaun mai Timor-Leste, Tetsuya Kimura wainhira hamutuk ho reprezentante Tsuneishi Shipbuilding hasoru malu ho Prezidenti republika, Jose Ramos-Horta, Segunda (7/7/2025), iha Palasiu Prezidensial Dili.

“Hanesan ita bo’ot sira hotu hatene katak, Tsuneishi estabelese ona sira nia edifisiu iha Timor-Leste, maizumenus tinan 1 ho balun liu ba, depois neste momentu sira fo servisu ona ba 37 projetista sira ne’ebe involve iha dezenhu ro’o nia ne’ebe maioria gradua husi UNTL husi fakuldade enjeneria siensia teknologia,” dehan Embaixador Kimura ba jornalista sira.

Alende nain 37 ne’e, kompana refere mos haruka ona Timoroan nain 10 ne’ebe halo hela estajiadu iha Tokyo no sei aumenta tan nain 11 iha fulan oin hodi halo mos estajiadu.

Diretór of Tsuneishi Shipbuiling no akompaña husi Embaixadór Japão, Kimura Tetsuya enkontru ho Prezidente Repúblika (PR), Jose Ramos-Horta hodi Atualiza Projeitu iha Timor-Leste Segunda (07/7/2025), iha Palásiu Prezidensiál.

Iha hasoru malu ho xefi estadu, esplika mos kona ba progressu kompana nia projetu durante halo iha Timor-Leste, inklui halo hela estudu viablidade iha area Laleia, Munisipiu Manatutu.

Tsuneishi Shipbuilding nu’udar kompana fabrika ro nian ne’ebe hala’o negósiu ho baze tolu Tsuneishi Factory (Fukuyama City, Hiroshima Prefecture, Japaun); Tsuneishi Heavy Industries (Cebu), Inc. (Cebu Island, Filipina); Tsuneishi Group (Zhoushan) Shipbuilding Inc. (Zhoushan City, Xina).