Timor-Leste Prontu Asumi Presidensia ASEAN 2029

DILI, www.news-viptv.com  – Timor-Leste wainhira ona parte ASEAN, pronto ona asumi presidensia ASEAN ba tinan 2029.

Presidensia ASEAN 2029 Timor-Leste nian ne’e hato’o husi Primeiru Ministru Kay Rala Xanana Gusmão iha lansamentu fatuk dahuluk konstrusaun Centro Internacional de Convenções de Dili (CICD) iha Porto Dili ne’ebe hetan prezensa husi Primeiru-Ministru Malazia, Anwar Ibrahim.

“Ita Tama ASEAN iha 25 Outubru 2025, tuir orden alfabetizasaun reinaun tuir membru ASEAN Vietnam ikus. Agora Malazia, Myanmar 2026, 2027 Singapura, 2028 Thailandia, 2029 Timor-Leste. Ho ida ne’e ita prepara hari sentru konvensoens hodi hahú  to’o 2028 konstrusaun remata ona,” hateten PM Xanana.

Konstrusaun CICD ne’e, esplika xefi governu, laos tamba hanoin tama ASEAN maka harii, maibe hanoin ne’e iha ona antes atu tama ASEAN.

Laos deit konstrusaun ba CICD, PM Xanana esplika husi tasi ibun parte Pertamina to’o Farol sei hafurak mos ho konstrusaun foun nune’e sidadaunno turista sira sei utiliza hodi enjoi moris lor-loron nian.

Koordenador Ministeriu Asuntu Ekonomiku, Jorge Rui De C. Martins informa CICD ne’e sei harii ho andar 3.

“Tuir planu ne’ebe mak ha’u hatene ami sukat rai ne’e total atu uza ba espasu publiku, no ami sukat 1 pintu 8 maibe ita sei persiza no aumenta tan ituan ba iha Palacio do Governo nian no Ita sei hare’e ba asuntu sira ne’e,” nia dehan.