MCI-Telkomcel Asina Akordu Hakbi’it MPME

Dili, www.news-viptv.com – Ministeiru Komersiu Industria (MCI), asina ona Akordu Kooperasaun ho Telekomunikasi Indonesia Internasional. S.A,” hodi Hakbi’it Micro, Pequenas e Mediu Emprezas (MPME) liu husi Sistema Dijitalizasaun.

Akordu kooperasaun ne’e asina husi Diretór Jerál Indústria MCI, Martins Magno no Vise President Finance Business Partner Telkomcel, Dedy Edward hetan akompanamentu husi Ministru Komersiu no Industria, Nino Pereira no CEO Telkomcel, Benedictus Ardiyanto Priyo, iha Timor Plaza Suai Room, Sesta (3/10/2025).

Asina akordu ne’e, esplika Ministru Nino Pereira, marka pasu importante ba instituisaun rua, liuliu ba iha transformasaun digital.

“Agora iha mundu digital presija ita atu halo buat hotu ho fasil iha prosesu ida ne’e. Tanba mundu tomak ita hotu hatene katak, koalia kona-ba ekonomia digital iha mudansa ne’ebe mak lalais tebes,” dehan Ministru Nino Pereira iha nia diskursu.

Wainhira partisipa iha China ASEAN Expo kona-ba transformasaun artifisial intelegen ne’ebe avansadu tebes ho prosesu dizitalizasaun lais tebes, ne’e transformasaun radikalmente imajen mundu nian mós diferente tebes, sedauk tan Tama iha sistema sira sel-seluk hanesan, sistema finanseiru, ba pagamentu, buat barak tenki hatudu mudansa radikal iha prosesu dezemvolvimetu.

“Hau hanoin IX Governu Konstitusional koalia kona-ba konektividade, Transformasaun digital, aproveita modernizasaun ne’ebe mak iha atu transforma ninia ekonomia, ita aproveita ho parseria ne’ebe mak barak tebes-tebes ho apoiu no suporta ne’ebe mak barak tebes ita aproveita nu’udar oportunidade ida ne’ebe diak tebes hodi dezemvolve ita nia ekonomia. Tanba ohin loron mundu digitalizasaun, Mundu nakloke no ita presija halo adaptasaun hodi bele iha impaktu no benefisiu ne’ebe mK positivu mai iha ita nia dezemvolvimetu ekonomia,” hateten membru governu ne’e.

Nia hatutan, akordu ida mós koalia kona-ba transformasaun oinsa mak ho digitalizasaun bele dudu hanesan ohin COE hatete bele halo transformasaun lalais ba progresu dezemvolvimetu ekonomia, ne’ebe ita presija ajusta no dapta ba iha mudansa.

Iha fatin hanesan, Diretór Jerál Indústria Martins Magno esplika iha akordu ne’e, parte Telkomcel sei fo formasaun no kapasitasaun oinsa para atu uza teknolojia ida ne’e.

Benedictus Ardiyanto Priyo hanesan CEO Telkomcel kontente tebes tanba bele sai parseiru governu nian ba setor telekomunikasaun liliu ba area digitalizasaun noa hodi dezenvolvimentu nikolomiku no mós indústria iha Timor-Leste.

“Vizaun telekomunikasaun nian atu hahú ho laran no esperiénsia ba sosiedade mina-rai nian mak tanba ne’e envolve fali husi parte ida-ne’e no hola parte iha ekosistema doben industriál no komersiál sira iha Timor-Leste. Tanba ita fiar katak ida-ne’e mak buat ida de’it bainhira ekonomia sosiedade Timor-Leste nian importante tuir modelu ne’ebé uluk ita hasoru no diskusaun hira inklui atividade hira no inspirasaun hira mak ita halo ona antes,” nia dehan.