JAKARTA, wwnews-viptv.com — Bank Indonézia (BI) prepara atu haluan liután kooperasaun pagamentu dijitál ho Timor-Leste liuhusi sistema Quick Response Code Indonesian Standard (QRIS), ne’ebé sei hahú ho fase teste ka sandboxing iha trimestre ikusál tinan 2026.
Governadór Bank Indonézia, Destry Damayanti, hateten katak preparasaun ne’e mós inklui Hong Kong, nu’udar parte husi estratéjia atu hametin ligasaun pagamentu dijitál transfronteirisu.
“BI seiha luan liután kooperasaun QRIS Antar-Nasaun liuhusi sandboxing ba koridor Timor-Leste no Hong Kong, hahú iha trimestre IV 2026,” Destry hateten iha aprezentasaun rezultadu Reuniaun Dewan Governadór Bank Indonézia ba fulan Outubru, iha kuarta-feira (21/10/2026).
Inisiativa ne’e alinha ho Blueprint Sistem Pagamentu Indonézia (BSPI) 2030, ne’ebé buka hametin digitalizasaun no dezenvolvimentu sistema pagamentu modernu.
QRIS mak sistema pagamentu ne’ebé uza kódigu QR atu fasilita tranzasaun dijitál. Liuhusi kooperasaun transfronteirisu, sistema ne’e iha potensiál atu fasilita pagamentu entre utilizadór sira iha nasaun rua, tuir akordu no mekanizmu tékniku ne’ebé sei dezenvolve.
Publikasaun ne’ebeCNBC Indonesia publika esplika katak Ba Timor-Leste, kooperasaun ne’e bele loke oportunidade foun ba dezenvolvimentu servisu finanseiru dijitál, liuliu iha área komérsiu, turizmu no tranzasaun entre Timor-Leste no Indonézia.
Maski nune’e, fase sandboxing sei sai etapa importante atu testa sistema, kompatibilidade téknika no seguransa tranzasaun antes konsidera implementasaun luan liután. Detalle kona-ba data hahú servisu ba públiku no instituisaun finanseira ne’ebé sei partisipa seidauk anunsia.
Ho planu ne’e, Bank Indonézia kontinua buka hametin integrasaun pagamentu dijitál ho nasaun parseiru sira, inklui Timor-Leste, hodi kria sistema tranzasaun ne’ebé fasil liután iha futuru.
