banner 1000x250

Tama ASEAN, Vietnam Sei Loke Embaixada Permanente iha Dili

  • Share
Embaixador Vietnam, Tan Van Thong wainhira entrega karta kredensial ba Prezidenti Republika, Jose Ramos-Horta. Photo: Media PR
banner 728x90

DILI, www.news-viptv.com – Membru nasaun  Association South East Asian Nations (ASEAN) Vietnam promesa sei loke nia embaixada permanente iha Dili, Timor-Leste wainhira nasaun ne´e sai ona membru ba nasaun ASEAN.

“Ohin Vietnam nian hatete ba Xefe Estadu katak, bainhira Timor-Leste tama ona ba ASEAN, Vietnam sei mai loke Embaixada permanente iha Timor-Leste,” hatete Sekretáriu Jerál Ministériu Negósiu Estranjeiru no Kooperasaun, Francisco Cepeda, Segunda (24/10/2022) iha Palasiu Presidensial, Bairo Pite, Dili.

banner 336x280

Alende neé, esplika Francisco, iha inkontru bilateral, Embaixador Vietnam, Tan Van Thong manifesta sira-nia prontidaun atu apoiu Timor-Leste sai membru ASEAN, no ko’alia mós kona-ba apoiu kooperasaun iha área sira seluk.

Embaixadora Norwegia, Ruth Kruger konversa ho Prezidenti Republika, Jose Ramos-Horta hafoin entrega karta kredensial. Photo: Media PR

Francisco esklarese, alende Vietnam ne´ebe entrega ona karta kredensiál, Presidente Republika, Jose Ramos-Horta mos simu karta kredensial seluk hosi Austria ne´ebe entrega hosi Embaixador Thomas Loidl no Ruth Kruger hosi Norwegia.

Embaixador Austria Thomas Loidl ho Prezidenti Republika, Jose Ramos-Horta. Photo: Media PR

“Ohin ita iha Embaixadór tolu naun rezidente ne’ebé mai aprezenta sira-nia karta kredensiál ba Prezidente Repúblika: Vietnam, Austria no Norwegia. Sira-ne’e mak hasoru malu ho Xefe Estadu mai entrega sira-nia kredensiál,” dehan Francisco.

Hanesan mós, Norwegia no Austria buka nafatin esforsu loron ruma sira mós mai loke sira-nia rezidénsia iha Timor-Leste.

Austria ho Norwegia mós promete apoia Timor-Leste nia dezenvolvimentu nasionál liuhusi programa sira Uniaun Europeia nian no seluk tan.

  • Share

Leave a Reply

Your email address will not be published. Required fields are marked *

error: Content is protected !!