Astronomu ASEAN Sei Halo Observasaun Eklipse Solar iha Com

DILI, www.news-viptv.com – Ekipa astronomia hosi Southeast Asian Astronomical Network ho nia membru hosi Indonesia, Brunei Darussalam no Vietnam hasoru Prezienti Republika Jose Ramos Horta hodi fahe konesementu kona ba eklipse solar ne´ebe akontese iha sira nia nasaun.

Ba jornalista sira, ekipa ne´e esplika katak prezensa sira nian iha Timor-Leste hodi halo peskiza astronomia kona ba eklipse solar ne´ebe sei akontese iha 20 Abril ne´ebe nia total ba eklipse solar ne´e bele hare iha Com, Munisipiu Lautem, Beasu, Munisipiu Viqueque no Quelikai iha Munisipiu Baucau.

Iha sira nia prezensa, alende sei halo peskiza siensia nian sei fahe informasaun mos ba komunidade sira hodi oinsa hare eklipse solar total ho diak no seguru.

Astronom sira ne´e mos konkorda ho hanoin xefi estadu ne´ebe husu ba astronom sira hosi rai liur laos deit atu observa fenomena ekilpse solar ne´e hosi parte siensia nian maibe bele hare mos tradisaun kultura Timoroan sira wainhira hare fenomena ne´e.

Iha fenomena eklipse solar ne´e, Governu Timor-Leste mos loke feira kultura no produtu lokal iha Com no Beasu.