Indonesia Oferese Bolsu Estudu 49 ba Estudante Timoroan

DILI, www.news-viptv.com  – Indonesia nu’udar nasaun ne’ebe fronteira ho Timor-Leste kontinua hatudu nia komitmentu ba dezemvolvimentu Timor-Leste liu husi ofere bolsu estudu ba estudante Timoroan nain 49.

Estudante Timoroan nain 49 ne’e hetan bolsu estudu liu husi fundus Programa The Indonesian Aid Scholarship (TIAS) hanesan forma konkreta ida husi kontribuisaun Indonézia nian ba kooperasaun dezenvolvimentu globál, partikularmente liu husi fornesimentu subsídiu edukasionál ba nasaun belun sira iha rejiaun Ázia, Pasífiku, Áfrika, no Amérika Sentrál.

“Programa ida ne’e la’ós de’it kontribui hodi apoia atinjimentu Objetivu Dezenvolvimentu Sustentável ODS, maibé mós halo parte iha diplomasia dezenvolvimentu Indonézia nian, ne’ebé foka liu ba hasa’e kapasidade rekursu umanu iha nasaun parseiru sira,” hateten Embaixador Indonesia mai Timor-Leste, Okto Dorinus Manik iha seremonia despedida bolseleiru sira, Sexta (10/10/2025), Iha Pusat Budaya Indonesia, Kaikoli, Dili.

TIAS espesifikamente dirije ba funsionáriu públiku sira ka ofisiál governu nian, no mós indivídu sira ne’ebé ofisialmente rekomenda hosi governu nasaun parseiru nian. Liuhusi aprosimasaun ida-ne’e, TIAS hein atu iha impaktu estratéjiku no sustentável, partikularmente iha hametin setór públiku hosi nasaun uma-na’in no hametin relasaun intergovernamentál sira liuhosi rede antigu alunu sira ne’ebé ativu no kontribuinte.

Diplomata Indonesia nian ne’e husu ba bolsuleiru sira atu aproveita bolsu estudu ne’ebe hetan hodi bele estuda no espera iha futuru bele sai lider iha Timor-Leste.

“Ami nia esperansa mak wainhira ita-boot sira fila husi Indonézia, ita-boot sira sei lori la’ós de’it diploma ida, maibé mós koñesimentu, karakter, no valór nobre sira ne’ebé sei sai nu’udar fundasaun ba harii Timor-Leste, Joven sira ne’e sei kontinua Timor-Leste nia dezenvolvimentu ba oin,” nia hateten.

Husi bolsuleiru 49 ne’e balun konsege tama iha top universidade Indonesia nian hanesan Universidade Indonesia (UI), Institu Teknologi Bandung (ITB), Universidade Airlangga, ITS, no Universidade Padjajaran.

Programa Bolsa Estudu Indonézia AID hanesan programa ida hosi programa bolsa estudu barak ne’ebé oferese hosi governu Indonézia kada tinan. Aleinde tulun Indonézia, iha mós Bolsa Estudu KNB, Bolsa Estudu Darmasiswa, no bolsa estudu sira seluk ne’ebé fornese hosi universidade oioin, liuliu ba estudante sira hosi Timor-Leste..

Timor-Leste nu’udar nasaun ida ho númeru destinatáriu bolseiru aas liu iha Indonézia, provavelmente tanba ninia proximidade no lian no kultura ne’ebé fahe.

“Ami hein katak programa bolsa estudu ida ne’e sei benefisia tebes Timor-Leste nia progresu iha futuru,” nia dehan.

Iha sorin seluk, Reprezentante Diretór Fundu Ajuda Indonézia ba Dezenvolvimentu Internasionál LDKPI, ou Indonesian AID, Mashuri Syuaib mos hato’o nia agradese ba Timoroan sira ne’ebe tinan ne’e iha antuazismu makas hodi tuir programa bolsu estudu TIAS nian.

“Agradese tebes ba programa TIAS hetan resposta ne’ebé maka’as tebes. Iha tinan 2024, Universidade Indonézia simu estudante TIAS hamutuk 27. No iha 2025, númeru aplikante sira aumenta maka’as. Resposta pozitivu ida-ne’e hatudu katak TIAS hetan rekoñesimentu no fiar ba beibeik nu’udar programa bolsu estudu ida ho kualidade, kredivel ne’ebé foka ba dezenvolvimentu kapasidade rekursu umanu, partikularmente iha área infraestrutura no dezenvolvimentu sustentável,” nia dehan.

Destinatáriu bolsa-estudu sira la’ós de’it hetan fasilidade akadémika ne’ebé adekuadu, maibé mós oportunidade atu kolabora no harii rede internasionál ne’ebé sei apoia sira-nia kontribuisaun ba dezenvolvimentu globál.

“Sira-nia esperiénsia estudu nian iha Indonézia sai hanesan inspirasaun folin-boot no inísiu ba kontribuisaun reál sira ba progresu Timor-Leste nian, hametin liután kooperasaun fraterna entre Indonézia no Timor-Leste iha futuru,” nia hateten.

Reprezenta Ministeriu Ensino Superior Siensia no Kultura, Alcino Joao Bareto profundo ba governu no povo Indonesia Tamba bele koperasaun dezenvolve Timor-Leste ho diak liuliu iha area ensino superior lina kapasitasaun no rekursus humanos Timor oan sira, mak kontribuisaun ba dezenvolvimentu sustentavel Timor-Leste nian ho fortalesementu ekonomia nian no nomos ba konsolidasaun relasaun bilateral entre nasaun Rua ne’e.

“Hau hakarak diriji liafuan Ida ba estudante bolseiru sira, Ita boot sira nia selesaun atu sai bolsu estudo nebe sai makeli ba Ita boot sira nia familia no ba nasaun tomak liuliu ba Ita nia rai doben Timor-Leste,” nia dehan.

Ministeriu Ensino Superior Ciensia no Kultura reafirma ninia komprimisiu atu kontinua promove parseria internasional sira ne’ebe hatudu oportunidade ba formasaun diak liu ba juventude Timor-Leste nian.