Xefi Estadu Konvida Investor EUA Investe iha Infraestrutura no Turizmu

DILI, www.news-viptv.com –  Prezidente Repúblika J. Ramos-Horta ihaseremonia Jantar ho Ministra Estadu ba Negósius Estranjeirus EAU nian, Noura Al Kaabi ho nia delegasaunhodi selebra amizade no parseria bilaterál ne’ebé kle’an liután entre Timor-Leste no Emiradu Árabe Unidu (EAU).

Xefe Estadu konvida investidór no instituisaun sira husi EAU atu halo parseria iha setór sira ne’ebé buras hela hanesan enerjia renovavel, infraestrutura, lojístika, kuidadu saúde, no turizmu.

Hodi fó bem-vindu ba Noura Al Kaabi, Prezidente louva transformasaun ekonómika furak EAU nian iha lideransa vizonária husi matebian Sheikh Zayed bin Sultan Al Nahyan no Sua Alteza Sheikh Mohamed bin Zayed Al Nahyan, hodi reafirma valor sira ne’ebé nasaun rua ne’e fahe kona-ba dame, toleránsia no dignidade umana.

Destaka kona-ba kooperasaun tanjivel, Prezidente Ramos-Horta hato’o nia agradesimentu kle’an ba Prezidente EAU, Sheikh Mohamed bin Zayed Al Nahyan, ba apoiu ba projetu dezenvolvimentu xave sira, liuliu Kompleksu Rezidénsia ba Estudante Feto sira ne’ebé agora daudaun harii hela iha Dili atu fó fatin seguru ba aluna universitária na’in-300.

Prezidente subliña katak inisiativa ida-ne’e, hamutuk ho oportunidade formasaun diplomátika no institusionál iha Akademia Diplomátika Anwar Gargash iha Abu Dhabi, reflete investimentu vitál ida ba feto timoroan sira, edukasaun, no kapitál umanu nasionál.

hodi nota katak loke embaixada Timor-Leste iha EAU foin lalais ne’e marka faze foun ida iha relasaun bilaterál.

Hodi temi fali prinsípiu sira husi Dokumentu kona-ba Fraternidade Umana 2019 nian ne’ebé asina iha Abu Dhabi, Prezidente Ramos-Horta husu atu halo diálogu pásifiku ba konflitu rejionál no globál sira, no mós anúnsia nia vizita ofisiál sira tuirmai ba EAU iha fulan- novembru no dezembru hodi hametin liután parseria metin entre nasaun rua ne’e.