PHNOM PENH, www.news-viptv.com – Maski sedauk sai membro estadu ASEAN, Timor-Leste hare´e katak ASEAN nu´udar organizasaun regional iha papel importante ba promove paz no estabilidade iha nia rejional.
Timor-Leste nia hanoin ne´e hato´o hosi Ministra Negosiu Estranjeiru no Kooperasaun, Adaljza Magno wainhira partispa iha Forum Rejional ASEAN ba dala 29 ne´ebe realiza iha Phnom Penh, Kambodia, 5 Agosu 2022.
Inkontru From Rejional ASEAN ne´e partisipa hosi nasaun 27 hodi halo diskusaun ba problema segurança rejional no internacional hodi promove paz no stabilidade iha rejional.
“Ministra Magno mos troka hanoin ba ARF dala 29 kona ba isu segurança rejional ne´ebe mosu iha Tasi Sul Xina, situasaun iha Myanmar, funu Ukrania, desnuklearizasaun Peninsula Koreana. Ministra mos hare katak importância lei internacional, normas sira no regulamentu no mekanismu organizasau rejional no respeita ba centralidade ASEAN,” hakerek komunikadu ne´e.
Forum ne´e mos hetan pasrtisipasaun hosi Embaixador Timor-Leste ba Reinu Kambodia, Ermenegildo Kupa Lopes, Diretora Jeral assuntu ASEAN, Milena Rangel no nia equipa balun.
Partisipasaun Timor-Leste iha Forum Rejional ASEAN desde tinan 2005.