Timor-Leste ho Kambodia Asina ona Akordu Koperasaun ba Servisu Aerea

PHNOM PENH, www.news-viptv.com – Timor-Leste ho Kambodia asina ona akordu koperasaun ba servisu aero nian no komersiu fos nian.

Presidenti Republika Jose Ramos-Horta no Primeiru Ministru Hun Sen sai testamuna ba asina akordu koperasaun rua ne´e.

Ekonomia no Komersiu sai ajenda nasaun rua iha relasaun bilateral, no asuntu ne´e sai diskusaun wainhira Presidenti Ramos-Horta hasoru Liu Rai Reinu Kambodia, Norodom Sihamoni.

Presidenti Ramos-Horta hamutuk Ministra Negosiu Estranjeiru no Koperasaun Adaljiza Magno halo vizita estadu ba Kambodia durante loron 3 desde loron 19 Outubru.