SEKOMS Apoia KDT-TL iha Lian Jestor

DILI, www.news-viptv.com – Sekretaria Estadu Komunikasaun Sosial (SEKOMS) kontinua fo apoia ba Klibur Difisiente Tilun Timor-Leste  (KDT-TL) hodi fo formasaun ba nia membru no fornese lian jestor ba kanal RTTL ho GMN-TV.

“Ohin Prezidente ho Diretora KDT-TL mai husu atu nafatin servisu hamutuk ho Nono Governo liu husi SEKOMS nafatin servisu hamutuk atu nune’e fo formasaun atu apoiu informasaun no mos atu apoiu ba iha lian jestor nian, no RTTL – GMN mos konkorda atu programa ne’e lao nafatin,” dehan Sekretariu Estadu Komunikasaun Sosial, Expedito Dias Ximenes ba jornalista sira, Kinta (22/2/2024), iha Palacio do Governo, Dili.

Maske sira iha difisiensia iha tilun, governante ne’e hateten, sira nafatin hakarak kontribui nafatin nune’e bele fahe mos informasaun maluk sira ne’ebe ho difisiensia hanesan.

Ho koperasaun ne’e, KDT-TL senti kontenti SEKOMS bele kontinua programa kooperasaun ne’ebe sira halo ona ho governu antes.

” KDT-TL kontente tebes ohin rona katak Nono Governo Liu husi SEKOMS kontinua apoiu ba ami nia organizasaun ne’e,” dehan Diretora KDT-TL Crecencia Madeira de Jesus.