Promove Dame iha Timor-Leste, HWPL Halo Parseria ho MESCC, Ensinu Superior 6 no Media iha Timor-Leste

DILI, www.news-viptv.com – Hodi promove dame iha Timor-Leste, liliu edukasaun ba dame nian, organizasaun naun govermentais internasional husi Koreia Sul, HWPL asina nota akordu ho Ministeriu Ensinu Superior, Siensia no Kultura Timor-Leste.

Alende asina nota akordu, HWPL mos realiza asina nota do intendementu ho ensinu superior ne’en, mak Universidade Oriental de  Timor Lorosa’e (UNITAL), Instituto Superior Cristal (ISC), East Timor Coffee Institute (ETCI), Instituto Politécnico Betano (IPB), Universidade Católica Timorense (UCT) no Instituto Universitário Naroman Esperansa (IUNE).

Konsellu Nasional Juventude Timor-Leste (CNJTL) ne’ebe mos asina nota do intendementu ho HWPL konsidera katak involvimentu juventude iha edukasaun ba dame nian importante atu nune’e jovem sira iha unidade no dame iha sira kualker atividade.

Alende ho instituisaun hirak ne’e, HWPL mos asina nota do intendementu ho media online lima maka Rádiu Liberdade Dili, Rádiu Komunidade Comoro, SapNewsTL, Mídia Labeh no hatutan.

Objectivu husi Nota Entendimentu ne’e atu sai hanesan pasu signifikativu hodi transforma Dili sai Sidade Dame nian no atu promove Kultura Dame liu husi habelar Konsiénsia no forma opiniaun Públiku no kompriensaun ida kle’an kona-ba Paz nian.

Iha nia vizita ba Timor-Leste, Diretora-Jeral ba departementu Grupu jovem internasional ba dame (IPYG), Jenifer Choi ho Adjunta Diretora-Jeral Departementu Edukasaun ba Dame, Flora Keum alende realiza asina nota do akordu no nota de intendementu, hasoru malu mos ho Ministru Juventude, Desportu, Arte no Kultura, Nelyo Isaac Sarmento, Sekretariu Estadu Arte no Kultura, Jorge Soares Cristovão, no Provedor Direitu Humanus e Justisa, Virgilio Guterres.

Reprezentante HWPL ne’e vizita projetu Mural Painting iha Kakaulidun ne’ebe organiza hosi media VIP TV hamutuk ho jovem voluntariu ne’ebe pinta moru Kakaulidun ho tema media ba dame.

Antes hahu sira nia atividade iha Timor-Leste durante sira nia vizita, partisipa mos iha eventu IPYG Futsal Cup 2024 ne’ebe partisipa husi ekipa futsal feto no mane husi IPYG, UNTL, UNDIL, VIP TV, no AC. Mamura.