banner 1000x250

ME La Tolera ba Manorin ne’ebe Baku Estudante

  • Share
Illustrasaun hosi ekipa kreativu VIP Graphic Design
banner 728x90

DILI, www.news-viptv.com – Relasiona ho violensia ne’ebe halo hosi manorin sir aba estudante, Ministeriu Edukasaun (ME) sei la tolera no bandu ba manorin hodi baku estudante sira iha prosesu apredijazem.

Ministra Edukasaun, Dulce de Jesus Soares afirma, ba oin karik akontese kazu violensia ne’ebe halo hosi manorin sira ba estudante, ME sei prosesa manorin refere.

banner 1000x250

“Regras nee katak zero toleransia iha eskola hodi hapara professor sira baku estudante iha eskola laos atu haruka professores sira baku estudante. Ita mos hanesan nasaun ba konvensaun direitus humanos labarik nian ita respeita teb-tebes, ita tenke halao ida ne’e,” hateten MInistra Dulce ba jornalista sira, iha edifisiu Ministeriu Edukasaun, Tersa (5/9/2023).

Ministra esplika, estudante sira aprende laos liu husi baku mak halo sira komprende, maibe liu husi manorin sira nia maneira ida-idak ne’ebe uza hodi transforma siensia ba estudante sira.

“Hau nia hanoin katak ema hotu tenke komprende katak laos baku mak halo ema atu komprende. Maibe, professor sira iha nia metodologia hodi hanorin Matematika oinsa no hanorin Lingua ne’e oinsa. Tamba Professores hot-hotu tuir formasaun oioin hodi transforma siensia ba estudante sira laos uza violensia,” dehan ministra ne’e.

Laos deit ba manorin ne’ebe halo violensia ba nia estudante, nune’e mos ba estudante sira ne’ebe halo agresaun fiziku kontra manorin sira, ME mos sei halo prosesa hanesan ba estudante.

  • Share

Leave a Reply

Your email address will not be published. Required fields are marked *

error: Content is protected !!