DILI, www.news-viptv.com – Hafoin halo koperesaun ho Konsellu Imprensa no media online VIP TV, Heavenly Culture, World Peace and Lighting of Restoration (HWPL) halo tan kooperasaun ho Assosiasaun Turismu Relijiozu Timor-Leste (ATR-TL) hodi halo promosaun dame iha Timor-Leste no mundu, liu hosi kriasaun Religious Peace Academy (RPA) ou Akademia Relijioza ba Dame.
Diretor Executivo ATR-TL, Manuel Vong hateten katak assosiasaun ne’e harii hosi lideransa relijiozu 5 hanesan Katoliku, Protestante, Islam, Hindu no Budha ne’ebe iha Timor-Leste.
Ba atividade RPA-HWPL, sira nia parte pronto atu kopera ho HWPL nia atividade tamba inprinsipiu papel ATR-TL alende atu kuidadu sitiu relijizou sira iha Timor-Leste, papel seluk maka promove fiar, unidade, amizade no natureza ho fuan.
“Prinsipiu husi ATR-TL nian maka hakarak sai masin no naroman ba dezenvolvimentu turizmu ne’e rasik, i turizmu ne’e labele dezenvolve husi setor ekonomika no fizika deit maibe tenki dezenvolve mos husi prespetiva spiritual nian. Tamba nee maka ATR-TL ne’e servisu ba iha dezenvolve ba ema nia isin no klamar,” hateten Manuel Vong ba jornalista sira Segunda (27/11/2023), iha Mesquita An-Nur, Kampung Alor, Dili.
Vise Prezidente ATR-TL, Pastor Lorenço dos Santos iha nia diskursu hateten maski moris ho diferensia fiar, hot-hotu tenki moris ho hadomi malu.
“Ita ema kriatura tenki kria situasaun ne’ebe mak diak, dame, unidade ba ema hotu. Maromak nunka hanorin ita atu fahe malu liu husi ita nia rás, relijiaun, lian, no identidade,” dehan Pastor Lorenço.
“Organizasaun ne’e mos iha nia papel ida hotu maka promove paz no rekonsiliasaun hodi dezemvolve rai ida ne’e,” esplika Manuel Vong.
Prezidente Concelho Curador no Fundador fundasaun Annur Timor-Leste, Abdullah Said Sagran hateten nu’udar fiar nain, ema ida ou komunidade ida labele moris mesak no persiza duni halo interasaun ho seluk maski iha diferensia rasa no ralijiaun, tamba ne’e liu hosi atividade RPA-HWPL sira nia parte pronto atu hamutuk ho relizaun sira seluk ne’ebe iha ATR-TL hodi halao atividade HWPL nian ba promove dame entre komunidade relijioza.
“Hare ba atividade ne’e importante no diak ba ita hotu tamba ho objetivu oinsa hamutuk promove dame,” dehan Abdullah Sagran ba jornalista sira, Segunda (27/11/2023), iha Mesquita An-Nur Kampung Alor, Dili.
RPA-HWPL harii ho objetivu atu hakle’an liután interkámbiu relijiozu no komprensaun ne’ebé la’ós iha nivel komprensaun báziku kona-ba eskritura relijioza oioin. Hanesan parte ida husi inisiativa ida-ne’e, HWPL konvida lider relijiozu sira husi fiar oioin atu fó lisaun sira iha RPA. Dosente sira-ne’e sei sai hanesan plataforma ida ba peskiza komparativu, promove kultura dame nian, no unidade entre fiar-metin.
HWPL Religion Peace Academy, sei esplora esensiál hanorin relijiaun nian liuhusi dosente sira kona-ba eskritura sira husi lider relijiozu sira ne’ebé iha naran atu promove diálogu no kompriensaun ne’ebé efetivu. Ida-ne’e sei fó naroman ba faktu katak ita bele kria mundu ida-ne’ebé komunidade relijioza oin-oin halibur hamutuk iha armonia liu husi diferensa sira no servisu ba vizaun ida-ne’ebé fahe ba malu kona-ba pás no moris-di’ak.
Iha loron hanesan, HWPL mos lansa Peace Childreen Choir iha Lighthouse International School (LIS) ho objetivu oinsa hanorin dame liu hosi edukasaun ba estudante sira.
“Ami kontenti ho programa HWPL nian ne’e no ne’e primera vez iha Timor-Leste tamba misaun HWPL nian oinsa maka promove dame iha mundu, no hosi eskola ne’e ami Espera estudante sir aba futuru mos bele promove dame iha sira nia moris,” dehan Noel D. Rebuyon nu’udar Diretor LIS, iha Fatu-Hada, Dili.
HWPL, organizasaun dame internasionál ida, ko’alia liu kona-ba kooperasaun multilaterál, inklui governu, organizasaun internasionál no grupu sosiedade sivíl sira, hanesan medida esensiál ida ba pás mundiál. Hahú husi tinan 2014, HWPL hala’o ona knaar iha World Alliance of Relijiaun nian (WARP) iha mundu tomak atu promove relijiaun sira-nia komprensaun, prevene konflitu sira ne’ebé mosu tanba relijiaun, no buka knaar relijiaun nian atu hetan dame. Ida-ne’e inklui estudu komparativu husi lider relijiozu sira kona-ba eskritura sira, kampu dame relijiozu sira ne’ebé promove respeitu no komprensaun entre jerasaun foin-sa’e sira husi relijiaun sira, no Komisaun Solidaridade Relijiaun nian, ne’ebé fó mensajen unidade nian ba mundu nu’udar lider relijiozu mundiál sira.