Brunei Sei Loke Koperasaun iha Area Saude ho Timor-Leste

  • Share
Prezidenti Republika Dr. Jose Ramos Horta koalia ho embaixador extra-ordinariu no multipotente iha Timor-Leste, Wan Hadfi Lutfan Bin Haji Abdul Latif hafoin simu karta kredensial Brunei Darussalam nian. Photo: Media PR

DILI, www.news-viptv.com – Ministra Negosiu Estranjeiru no Kooperasaun, Adaljiza Magno hateten, Brunei Darussalam hakarak loke tan koperasaun bilateral ho Timor-Leste iha área saúde.

Prezidenti Republika Dr. Jose Ramos Horta akompana Ministra Negosiu Estranjeiru no Kooperasuan, Adaljiza Magno, ho embaixador extra-ordinariu no multipotente iha Timor-Leste, Wan Hadfi Lutfan Bin Haji Abdul Latif foto hamutuk hafoin simu karta kredensial Brunei Darussalam nian. Photo: Media PR

Kooperasaun bilateral entre Brunei Darussalam ho Timor-Leste ne´e Ministra Adaljiza Magno informa hafoin akompana Prezidenti Republika Dr. Jose Ramos Horta simu karta kredensial Brunei Darussalam nian ne´ebe entrega hosi Wan Hadfi Lutfan Bin Haji Abdul Latif nu´udar nia embaixador extra-ordinariu no multipotente iha Timor-Leste.

banner 336x280

”Timor-Leste mós hanoin atu halo kooperasaun iha area saúde tanba iha Brunei baratu uitoan nune’e Estadu no Governu Timor-Leste bele iha hanoin halo negosiasaun atu se bele karik haruka pasiente bá halo tratamentu iha Brunei, tanba kustu baratu no distánsia mós ladún dook,” dehan Ministra Adaljiza Magno ba jornalista sira, Sexta (15/7/2022), iha Palasiu Prezidensial, Bairo Pite, Dili.

Ministra Adaljiza esplika tan, alende saúde nu´udar área kooperasaun foun ne´ebe Timor-Leste interesse, sei nasuan rua mos halo ona kooperasaun iha área edukasaun no haruka Timoroan sira estuda iha Brunei Darussalam liu hosi programa bolsu estudu ne´ebe oferese hois Governu Brunei Darussalam.

Embaixador extra-ordinariu no multipotente, Wan Hadfi Lutfan Bin Haji Abdul Latif hetan onra onradu militar nian iha Palasiu Presidensial. Photo: Media PR

Nia esplika tan katak Governu Brunei Darussalam prontu haruka nia aviaun Royal Brunei hodi semo mai Timor-Leste.

Alende ne´e, iha loron hanesan, Ministra Adaljiza Magno mos informa Prezidneti republika simu karte kredensial seluk hosi Reinu Espana ne´ebe entrega hosi Embaixador Extra-ordinariu no multipotente, Francisco Assis Aguilera Aranda ne´ebe nia servisu sei halo deretamente iha Jakarta, Indonesia.

Ho embaixador Reinu Espana, xefi estadu husu apoia ba Espana atu suporta Timor-Leste nian candidatura ba Konsellu Direitu Umanus.

  • Share

Leave a Reply

Your email address will not be published. Required fields are marked *

error: Content is protected !!