FIFA Matchday, Timor-Leste Lakon Hosi Indonesia 1-4

  • Share
Jogdor Indonesia selebra sira nia vitoria kontra Timor-Leste. Photo: AP/Suhaimi Abdullah

JAKARTA, www.news-viptv.com – Timor-Leste iha jogu FIFA Match Game tenki rekonese vitoria uma nain Indonesia, hafoin lakon 1-4, Kinta (27/1/2021), iha Estadiu Kapten I Wayan Dpta, Gianyar, Bali, Indonesia.

Konsege lidera gou 1-0 liu hosi golu Gali Freitas iha minutu 36 ne’ebe ho matenek bele halo golu ba baliza Indonesia hafoin kedok defeza adversariu.

banner 336x280

“Hau kontenti tamba maski lakon, maibe ami nia jogu diak, duke manan maibe jogu aat,” komentariu Fabio Maciel, treinador selesaun nasional Timor-Leste ba jornalista isra iha konferensia imprensa hafoin jogu.

Fabio esplika, jogu kontra Indonesia ne’ebe halao ohin no 30 Janieiru 2022nudar jogu try out ida hodi sukat selesaun nasional nia performa antes kompete iha AFF U-23 iha Kambodia.

“Indonesia nudar ekipa forte bele sai sasukat hodi hare oinsa hau nia jogador sira nia dezemvolve iha jogu,” dehan Fabio.

Iha segunda parte, Timor-Leste lakon jogu hafoin Kambuaya lori Indonesia empata jogu 1-1.

Minutu 73, Indonesia lidera jogu 2-1 hafoin penalidade Arhan konsege tama ba baloza Timor-Leste. No golu oho an rua hosi Giorgino da Silva iha minutu 77 no Filomeno iha minutu 80 taka jogu ho skoru 1-4 ba Indonesia nia vitoria.

Iha AFF U-23 Championship, Timor-Leste hamutuk ho Kambodia, Filipina no Brunei Darussalam. Entertantu Indonesia, Malaysia, Myanmar no Laos iha Grupu B no iha Grupu C iha Thailandia, Vietnam no Singapura.

Timor-Leste sei hahu nia jogu dahuluk kontra Filipina iha 14 Fevereiru no kontra Brunei Darussalam iha 17 Fevereiru no ikus kontra Kambodia iha 20 Fevereiru.

  • Share

Leave a Reply

Your email address will not be published. Required fields are marked *

error: Content is protected !!