Konsellu Imprensa Sosializa Lei KomSos ba Offisial Media Governante Sira

DILI, www.news-viptv.com – Atu hasa’e konesimentu pesoál sira Relasaun Públiku ka Ofisial Mídia nian iha instituisaun governu nian, Konsellu Imprensa Timor-Leste sosializa Lei Komunikasaun Sosiál (KomSos) ba pessoal sira ne’ebe servisu ba area refere, Kinta (7/3/2024), iha edifisiu Konsellu Imprensa, Quintal Bo’ot, Dili.

Alende sosializa Lei KomSos, Prezidenti Konsellu Imprensa, Otelio Ote mos esplika  regulamentu direitu resposta no retifikasaun nian.

Iha Lei KomSos No 5/2014, Otelio Ote esplika, total iha artigo 54 nia ambito aplikasaun iha área hat mak hanesan jornalista, orgaun Komunikasaun Sosial, meios de Komunikasaun Sosial no Konsellu da Imprensa ho jornalista.

“Konsellu de imprensa iha 2015 governo aprova ona dekretu lei ho nia iha fundamento lima iha Komunikasaun social nian. Direito de informação, liberdade impressa, Liberdade de expressão ka atu koalia atu halo sensura No iha limitasaun ba liberdade de imprensa,” dehan Otelio Ote.

Prezidenti Konsellu Imprensa ne’e hateten, official media sira nu’udar porta voz ba governu iha pozisaun no papel importante, tambe ne’e lei no regulamentu sira ne’e persiza hatene nune’e bele halo servisu diak ho orgaun komunikasaun social ne’ebe ejiste iha Timor-Leste.