IBTL Bethany Sei Halo Seminariu Familia no Revivamentu Espritual

DILI, www.news-viptv.com – Igreja Bethel Timor-Leste (IBTL) Reinu Bethany sei halo seminário kona ba família sira ho tema Restaurasaun Familia ne´ebe sei realiza iha 23 Agostu 2022.

“Atu hateten deit katak seminariu ne´e ba família sira det, fen ho laen, ne´ebe sei halo iha 23 Agostu no kontinua iha 24 ho 25 Agostu ba atividade KKR ou revivamentu espiritual,” dehan Pastor IBTL Reinu Bethany, Johanes Angkie, Domingu (14/8/2022), iha Akardiruhun, Dili.

Seminariu no Revivamentu Espritual ne´e ho orador mai hosi Jakarta, Indonesia maka Ps. Dr. Daddy Goandys, MA, Ps. Anton Yoseph, MA no Ps. Billy Moningka.

“Iha seminariu familia, sei iha sesaun tolu, ne´ebe PS. Anton Yoseph sei lori topiku pemulihan keluarga, Ps. Billy Moningka ho nia topiku Familia Harmonia, no PS. Daddy Goandys sei lori topiku Familia no Ministeriu. Ba revivamentu espiritual nia tema maka ami uza Maromak Nia lia fuan Santu iha Lukas 1:37 ba Maromak laiha buat ida labele,” esplika Koordenador Komisaun Organizadora, Evangelisto Gantry dos Santos Meilana ba VIP TV.

Koordenador Komisaun Organizadora, Evangelisto Gantry esklarese, ba seminário participante ne´ebe hakarak tuir persiza rejistu ho osan US$ 5 no sei hetan free hahan.

Seminariu ne´e IBTL Reinu Bethany realiza ho servisu hamutuk VIP TV.

Antes ne´e, VIP TV ho koperasaun IBTL Reinu Bethany halao ona seminário espiritual ba joventude sira ne´ebe nia orador mai hosi Yayasan Indonesia Mulya.