HWPL Realiza Seminariu Edukasaun Dame ho Ensinu Superior 15

DILI, www.news-viptv.com – Organizasaun Naun Govermentais (ONG) kona ba dame nian husi Koreia Sul, HWPL (Heavenly Culture, World Peace, Restoration of Light) realiza seminariu kona ba edukasaun dame nian iha Dili.

Iha komunikadu imprensa ne’ebe redasaun simu, seminariu ne’ebe realiza iha 8 Junu 2024 iha salaun konferensia Ministeriu Ensino Superior, Siensia no Kultura (MESSC) halao ho objetiu atu introdús edukasaun dame nian ba Timor-Leste.

Durante semináriu ne’e, esplika mos kona ba HWPL nia programa edukasaun dame nian, no fó esplikasaun kona-ba asinatura MOU ida.

Semináriu ne’e, ne’ebé partisipa husi reprezentante sira husi instituisaun 15 iha MESSC nian okos, rekoñese importánsia husi edukasaun dame nian.

“Semináriu ne’e hahú ho introdusaun ba HWPL, tuir mai esplika kona-ba nesesidade edukasaun dame nian no atividade sira husi HWPL iha Timor-Leste,” hakerek komunikadu ne’e.

Joao Antonio Soares, dosente ida husi Universidade UNPAZ, introdús kurríkulu edukasaun dame nian ne’ebé bazeia ba livru testu 12 lisaun no esplika detalladu kona-ba oinsá edukasaun dame nian sei implementa.

Edukasaun dame ne’ebé promove husi PEDL nu’udar projetu tolu ida hosi submisaun Artigu 10, Klauzula 38 husi PEDL ba Direitu Internasional Nasoins Unidas nian. Objetivu husi programa ne’e mak atu hamosu espíritu dame nian iha sidadaun sira-nia leet no enkoraja sira atu kumpre sira-nia knaar nu’udar mensajen dame nian.

“Hau hakarak hatene liután kona-ba prátika edukasaun dame nian husi HWPL no oinsá atu introdús edukasaun dame nian iha ha’u-nia eskola. Hodi hatán ba ida-ne’e,” dehan Antonio.

Departamentu Edukasaun ba Pas HWPL mos esplika, HWPL sei kolabora ho instituisaun edukasaun sira iha Timor-Leste hodi dezenvolve programa edukasaun ba dame ne’ebé apropriadu ba nesesidade espesífiku organizasaun ida-idak nian no asegura sira-nia implementasaun ne’ebé efetivu.

Hahú ho semináriu ida-ne’e, HWPL planeia atu hametin nia parseria ho instituisaun 15 iha Ministeriu Ensinu Superior nia okos no promove introdusaun edukasaun pás sustentavel iha Timor-Leste laran tomak. Ida ne’e sei ajuda habelar kultura pás nian iha sosiedade Timor-Leste tomak no sei la’o ba oin hodi realiza pás sustentavel.