GPE Prontu Ajuda Timor-Leste Hadiak Kualidade Edukasaun

DILI, www.news-viptv.com – Primeiro Ministro Kay Rala Xanana Gusmão simu Manejer Rejional Misaun Parseria Global ba Edukasaun (GPE), Nilse Ryman, Kinta (16/05/2024), iha Palácio do Governo, Díli.

Iha hasoru malu ne’e, Nilse Ryman esplika ba PM Xanana kona ba misaun GPE nian no pronto suporta planu Governo nian hodi garantia edukasaun diak Liu tan.

“Ami iha onra hasoru malu ho Primeiru-Ministru no esplika parseria husi Global Partnership for Education ne’ebé ba modesta, sai ona parseiru dezde 2005. Iha mos parseiru edukasaun hotu-hotu, parseiru tékniku no finanseiru hotu-hotu, ne’ebé servisu iha edukasaun, suporta no la’o nafatin iha kotuk ba planu governu nian, no governu lidera no lori parseiru sira-ne’e hotu iha kotuk hodi suporta sira-nia planu. Tan ne’e, ami ko’alia kona-ba istória kona-ba ida-ne’e no oinsá mak ita bele halo ida-ne’e sai di’ak liután iha tinan hirak oin mai,” dehan Nilse Ryman ba jornalista sira hafoin enkontru ho PM Xanana.

Nilse Ryman hatutan Tan katak Timor Leste iha sistema ida-ne’ebé mak tranzitóriu ne’ebé sei mai, atu sai maduru iha termu na’in ba kapasidade téknika. Nia hanoin katak Timor Leste  la’o ba oin ho urjensia.no Primeiru-Ministru hakarak atu la’o ba oin hodi hetan impaktu barak liután iha edukasaun ho kualidade di’ak liu ba ema hotu ho natureza inkluziva hodi hetan ema hotu iha eskola, ema hotu-hotu ne’ebé hetan edukasaun ho kualidade mak karakteristiku xave ida husi planu governu nian.