Edukasaun Multilingi, PR Horta: Lian Materna Importante ba Timoroan

DILI, www.news-viptv.com – Atu hasae Timoroan sira nian abilidade literasia hosi sira nia moris tomak iha lian oi-oin liliu lian tetun no portugues, Ministeriu Edukasaun realiza seminariu kona ba Edukasaun multilinguál iha Institutu Nasionál Edukasaun (INFORDEPE) iha Balide, Dili, Kinta (18/4/2024).

Semináriu ne’e hetan partisipasaun hosi Prezidenti Republika, Jose Ramos Horta no Ministra Edukasaun, Dulce Soares no manorin hosi eskola publiku.

Programa edukasaun multilingue, ne’ebé sei hahú husi pre-eskolár to’o eskola nivel aas, dezeña atu fornese ba estudante sira, liuliu sira ne’ebé iha área rurál sira, atu bele iha fundasaun ne’ebé metin iha literasia no numerasaun liuhusi hanorin sira iha lian sira ne’ebé sira komprende di’ak liu.

Aprosimasaun ida-ne’e, Ministra Dulce Soares hateten, sei fó dalan ba sira atu halo tranzisaun fasil liu hodi aprende lian ofisiál hanesan lian segundu.

Implementasaun programa multi lingue ne’e sei implementa uluk iha Munisipiu Lautem, Manatuto no RAEOA.