DILI, www.news-viptv.com – Konsidera hetan diskriminasaun no reklamasaun la hetan resposta hosi govenru anterior, Bernado Augosto, reprezenta nia maluk Professor hamutuk ema 3,500 kontinua buka justisa ba governu foun atu bele rezolve sira nia problema.
Hodi buka justisa ba governu atual, reprezentante professor ne’e haruka tan pedidu ida ba Komisaun G Parlamentu Nasional hodi reclama nafatin sira nia reklamasaun.
“Ami Professores reklamante sira laos ami maka hakarak reclama, maibe Ministeriu Edukasaun maka diskrimina ami sai fali reklamante no prosesu hirak ne’ebe maka durante nee anunsia iha Jornal da republika iha 10 Fevereiru 2023 la justu no lalos, tamba hamosu familirismo iha rekrutanentu ba professores voluntariu ba kontratadu,” hateten Bernado Augosto ba jornalista sira iha Uma Fukun PN, Kinta (03/08/23).
Jornal da Republika publika ona professor sira hamutuk 1,499 ne’ebe ultrapasa no sira hamutuk 3,500 maka la liu hodi sira reclama sira nia direto.
Antes n’e, sira mos halo ona audensia ho Prezidenti PN sessante no Prezidenti Komisaun G, maibe to’o ohin loron laiha rezultadu.
