banner 1000x250

Carolina Wattimena:  Liu Jesus, Ita Nia Problema Sei Rezolve

  • Share
Pastora Carolina Wattimena. Photo: VIPTV/Dilcia da Costa
banner 728x90

DILI, www.news-viptv-com – Ho problema mundu oioin, inklui problema pessoal no família ne´ebe durante ne´e labele rezolve, Pastora Carolina Wattimena nudar Maromak atan iha Igreja IBTL Bethany husu ba sarani sira diak liu entrega ba Nai Jesus nune´e hodi hetan nia solusaun.

Pastora Carolina Wattimena. Photo: VIPTV/Dilcia da Costa

Pastor Carolina iha nia pregasaun ba sarani sira hateten, hanesan Lia Fuan Maromak iha Mateus 11:28; Mai iha hau, imi hotu ne´ebe kole no lori naha todan, no Hau sei fo descansa ba imi.

banner 336x280

“Ita persiza Maromak liu buat hot-hotu. Ita persiza Nai Jesus, so liu nia buat hotu sei diak. Tambá Nai Jesus hateten rasik mai ba imi hirak ne´ebe kole no lori naha todan, no Jesus sei fo kaman ba buat hotu ne´ebe ita hasoru, ba ita nia moras, ita nia servisu, ita nia ekonomia,” dehan Pastora Carolina iha kultu Domingu (28/8/2022), iha Bidau Akadiruhun, Dili.

Ba família sira ne´ebe durante ne´e iha problema, Maromak atan ne´e mos husu ba atu labele husik diabu estraga uma laran to´o husik malu. Tamba Maromak Nia lia fuan buat ne´ebe tau hamutuk ona labele iha ema ida haketak.

“Problema uma laran, fen laen tenki entrega ba Maromak. Maromak maka kria mundu, nia mak ukun mundu no lalehan, tambá wainhira ita hasoru problema uma laran, entrega ba Maromak no lalika taridu, hanesan lia fuan Maromak iha 1 Petrus 5:7, entrega imi nia susar hotu ba Nia, tambá Nia hanoin imi,” esplika Pastora Carolina.

  • Share

Leave a Reply

Your email address will not be published. Required fields are marked *

error: Content is protected !!