banner 1000x250

Asina MoU, HWPL – KI sei Loke Eskola ba Paz

  • Share
Prezidenti KI, Otelio Otte ho Diretor Jeral HWPL ba asuntu Lei Internasional, Chloe Lee kaer liman hafoin asina MoU entre institusaun rua ba promove paz iha Timor-Leste. Foto: Media KI
banner 728x90

DILI, www.news-viptv.com  – Organizasaun dame internasional Heavenly Culture, World Peace, Restoration of Light (HWPL) ou Kultura Selestial, Dame Mundial, Restaurasaun da Luz ho Konsellu Imprensa Timor-Leste sei loke eskola ba paz.

Liu hosi memorandum of understanding (MoU) ne’ebe HWPL ho KI asina ne’e ho objetivu ida kria edukasaun paz ba jornalista sira ho nunee HWPL ho KI sei halo formasaun kona-ba edukasaun paz, forum mídia, promosaun estratejia jornalizmu ba paz, partisipasaun iha eventu anuál HWPL nian no peskiza kona-ba jurnalizmu ba paz.

“Objetivo husi asina MoU ne’e hanesan idea dahuluk, enkuantu Korea Sul mos iha komprimisu bo’ot hakarak loke eskola ba pas iha Timor-Leste hodi fo formasaun ba jornalista sira,” hateten Prezidente KI, Otelio Ote ba jornalista sira, Sexta (24/11/2023).

Diretor Jeral ba Lei Internasional HWPL, Chloe Lee hateten, HWPL sei hamutuk ho nia parseiru iha Timor-Leste hodi transforma Dili sai sidade ba Paz.

“Asina MoU entre HWPL ho KI ho signifikadu tebes hodi kria pas, Ami mos orgullu tebes ho Joven iha Timor-Leste no husi asina MoU ne’e ita sei kolabora no servisu hamutuk hodi transforma sidade Dili nakonu ho pas,” dehan Chloe Lee.

Diretor Jeral HWPL asuntu Internasional Youth World Group, Jenifer Choi. Foto: Media KI

Antes ne’e, HWPL mos hili ona media online VIP TV hodi sai media parseiru ba programa hanesan hodi habelar paz iha Timor-Leste.

HWPL iha nia membru nasaun hamutuk 178, nu’udar organizasaun internasional ba dame nian ne’ebe assosiada ba Konsellu Ekonomia no Sosial Nasoens Unidas (ECOSOC) no Departementu Komunikasaun Global Nasoens Unidas.

HWPL Transende diferensia kultura, fiar, relijaun, servisu hamutuk ho lider sira no foin sa’e sira ba esforsu solusaun dame ne’ebe inklusivu no sustentavel hodi transmite esforsu sira ba promosaun kultura dame, refleta kultura selestial sem kores ho valor domin, respeitu ho abundansia. Hanesan lalehan ne’ebe nunka para fornese naroman, udan no aar ba ema hotu hodi bele moris.

Hola prezensa mos iha asina asina MoU ne’e, Diretor Jeral ba International Peace Youth Group HWPL, Jenifer Choi.

  • Share

Leave a Reply

Your email address will not be published. Required fields are marked *

error: Content is protected !!