Xefi Estadu Louva Governu ba Servisu Airporto Internasional Suai

SUAI, www.news-viptv.com – Prezidenti Republika (PR), Jose Ramos-Horta louva ba servisu governu ne’ebe kontinua tau matan ba Aeroporto Internasional Komandante Xefi Falintil Kay Rala Xanana Gusmao iha Suai, Covalima.

Iha nia vizita servisu ba Munisipiu Covalima, xefi estadu mos halo vizita ba aeroporto refere ne’ebe governu hari’i  ho objetivu apoia operasaun ba projetu tasi mane ba suai suplai bes no operasaun petrolifeiru ho gas nian.

Ho kualidade aeroporto refere, xefi estadu hateten governu mos bele utiliza aeroporto ne’e hodi loke ba atividade aerea nian iha nivel subrejional ne’ebe konekta Dili, Oekusi no Kupang, inklui Darwin.