banner 1000x250

Realiza Konsertu Musika, MJDAK Apresia Kreatividade Grupu WAT

  • Share
Ministru Juventude, Desportu, Arte no Kultura (MJDAK), Nelyo Isaac SArmento. Foto: Media MJDAK
banner 728x90

DILI, www.news-viptv.com –  Hodi fasilita kreatividade, hametin no kuda esperitu nasionalismu ba juventude sira, Grupu Wings Angel Timor (WAT) realiza konsertu musika loron Konsulta Popular ba dala 24, Sabadu (26/8/2023), iha resintu Ministerio Juventude, Desporto, Arte no Kultura.

Atividade ne’ebe hetan prezensa hosi Ministru MJDAK, Nelyo Isaac Sarmento ne’e hetan apresiasaun hosi ministru no husu ba WAT atu kontinua atividade hanesan hodi promove talenta juventude sira nian.

“Hau orgullu ba joven foin sa’e sira ne’ebe iha inisiativa atu halo eventu sira hanesan ne’e iha fim de Semana. Importante hatudu ita nia kapasidade nu’udar jerasaun foun no jerasaun kontinuador ne’ebe atu ense ita nia independensia, fortika nia hanoin liu husi familia, maluk Sira ne’ebe bele kumpul hamutuk iha fatin ida ne’e atu ita partilha ba Malu konaba saida mak ita hakarak halo ba ita nia rai,” hateten Nelyo Isaac iha nia deskursu.

Ho realizasaun atividade refere, ministru husu ba WAT atu kontinua halo atividade laos deit iha programa musika, maibe bele aprende tan buat barak konaba dansa kultura, pintura no sel-seluk tan.

Konselleru WAT, Pedro Xinemes hateten, WAT harii hodi promove kreatividade juventude sira nian talenta iha arte no musika, inklui oinsa lori jovem sira hado’ok an hosi hahalok violensia.

“Wings Angel Timor hari tanba ita nia Joven tenke sai liras no anju ba Timor hodi haklaken dame. Tanba Ita hatene katak iha Timor joven kontinua ho konflitu Winz Angel Timor hari atu akumula joven sira ne’ebe kreativu sira ne’ebe Mak iha aktividade no tenkeser lori sira nia kreativu ne’e atu oinsa promove dame iha Timor,” esplika Pedro.

Nia hatutan, “Mensajem ida kona ba dame katak Timoroan hotu iha diferensia organizasaun no diferensia kultura, dalen, politika, munisipiu, Ita bele diferensia iha kores maibe ita Timor oan ida deit mai Ita hari dame no paz ba ita nia rai timor no hapara konflitu”.

Alende halo konsertu musika, iha mos aprezentasaun fashion show no fire show hosi membru WAT sira.

  • Share

Leave a Reply

Your email address will not be published. Required fields are marked *

error: Content is protected !!