PR Ramos-Horta ho Ministru Defeza Koalia Kooperasaun ho Indonesia no Australia

DILI, www.news-viptv.com – Ministru Defeza, Donanciano da Costa Gomes alias Pedro Klamar Fuik hateten, inkontru ne’ebe nia halo ho Prezidente Repúblika (PR), José Ramos-Horta hodi koalia assuntu koperasaun defeza ne’ebe Timor-Leste halo ho Indonesia no Australia.

“Prezidenti Republika sujere para hare nivel kooperasaun ho vizinu sira atu bele hametin kooperasaun ne’ebe mak Timor-Leste iha ho Australian, Indonezia hanesan vizinu emidiatus ita presija kultiva no halo diak para ita nia vizinu sira ho Ita bele iha relasionamente ida ne’ebe mak sustentavel no relasionamente ne’ebe diak,” informa Pedro Klamar Fuik ba jornalista sira hafoin inkontru ho PR Ramos-Horta, Kuarta (20/12/2023), iha Palasiu Prezidensial.

Timor-Leste alende halo kooperasaun iha area defeza ho Indonesia ho Australia, halo mos kooperasaun ho nasaun seluk hanesan Estadu Unidos Amerikanu, Portugal, Japaun no sel-seluk tan.