![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
![banner 828x90](https://news-viptv.com/wp-content/uploads/2026/08/desain-iklan.jpg" "banner 928x90")
DILI, Timor-Leste ho Austrália kontinua hametin kooperasaun bilaterál, liuliu iha área seguransa fronteira marítima no kombate atividade ilegál iha tasi, inklui peska ilegál ne’ebé bele ameasa rekursu marítimu no afeta ekonomia nasaun nian.
Kompromisu ne’e reafirma liuhosi enkontru entre Primeiru-Ministru (PM), Kay Rala Xanana Gusmão, ho Komandante Komandu Fronteira Marítima Austrália, Kontra Almirante Brett Stoner, iha Palásiu Governu, Dili, tersa (20/10).
Hafoin enkontru, Brett Stoner hato’o nia apresiasaun bá Governu Timor-Leste, liuliu bá Primeiru-Ministru, tanba fó oportunidade atu hasoru-malu no ko’alia kona-bá kooperasaun entre nasaun rua nian.
“𝐎𝐧𝐫𝐚 𝐧𝐨 𝐩𝐫𝐢𝐯𝐢𝐥𝐞́𝐣𝐢𝐮 𝐛𝐨’𝐨𝐭 𝐢𝐝𝐚 𝐚𝐭𝐮 𝐟𝐢𝐥𝐚-𝐟𝐚𝐥𝐢 𝐦𝐚𝐢 𝐓𝐢𝐦𝐨𝐫-𝐋𝐞𝐬𝐭𝐞. 𝐓𝐢𝐦𝐨𝐫-𝐋𝐞𝐬𝐭𝐞 𝐡𝐚𝐧𝐞𝐬𝐚𝐧 𝐩𝐚𝐫𝐬𝐞𝐢𝐫𝐮 𝐟𝐨𝐫𝐭𝐞 𝐀𝐮𝐬𝐭𝐫𝐚́𝐥𝐢𝐚 𝐧𝐢𝐚𝐧 𝐧𝐞’𝐞𝐛𝐞́ 𝐬𝐞𝐫𝐯𝐢𝐬𝐮 𝐡𝐚𝐦𝐮𝐭𝐮𝐤 𝐡𝐨𝐝𝐢 𝐤𝐨𝐦𝐛𝐚𝐭𝐞 𝐚𝐭𝐢𝐯𝐢𝐝𝐚𝐝𝐞 𝐢𝐥𝐞𝐠𝐚́𝐥 𝐧𝐨 𝐤𝐫𝐢𝐦𝐞 𝐭𝐫𝐚𝐧𝐬𝐧𝐚𝐬𝐢𝐨𝐧𝐚́𝐥. 𝐇𝐚’𝐮 𝐡𝐚𝐤𝐚𝐫𝐚𝐤 𝐡𝐚𝐭𝐨’𝐨 𝐚𝐠𝐫𝐚𝐝𝐞𝐬𝐞 𝐛𝐚́ 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐧𝐞’𝐞𝐛𝐞́ 𝐟𝐨́ 𝐨𝐩𝐨𝐫𝐭𝐮𝐧𝐢𝐝𝐚𝐝𝐞 𝐚𝐭𝐮 𝐡𝐚𝐬𝐨𝐫𝐮-𝐦𝐚𝐥𝐮 𝐝𝐮𝐫𝐚𝐧𝐭𝐞 𝐡𝐚’𝐮-𝐧𝐢𝐚 𝐯𝐢𝐳𝐢𝐭𝐚 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞,” Brett Stoner hateten bá jornalista sira sita publikasaun Gabinete PM iha pajina media sosial PM nian.
Durante enkontru ne’e, parte rua diskute mós kona-bá rezultadu hosi parseria ne’ebé nasaun rua asina ona iha tinan 2025, no identifika área sira ne’ebé sei sai prioridade bá kooperasaun konjunta iha futuru.
Stoner esplika katak Timor-Leste ho Austrália iha interese komún atu hametin seguransa iha fronteira marítima, tanba atividade ilegál iha tasi bele hamosu impaktu bá ekonomia no jestaun rekursu marítimu.
“𝐓𝐢𝐦𝐨𝐫-𝐋𝐞𝐬𝐭𝐞 𝐡𝐨 𝐀𝐮𝐬𝐭𝐫𝐚́𝐥𝐢𝐚 𝐩𝐚𝐫𝐬𝐞𝐢𝐫𝐮 𝐧𝐞’𝐞𝐛𝐞́ 𝐝𝐢’𝐚𝐤 𝐭𝐞𝐛𝐞𝐬 𝐭𝐚𝐧𝐛𝐚 𝐢𝐡𝐚 𝐟𝐫𝐨𝐧𝐭𝐞𝐢𝐫𝐚 𝐭𝐚𝐬𝐢. 𝐓𝐚𝐧𝐛𝐚 𝐧𝐞’𝐞, 𝐢𝐡𝐚 𝐞𝐧𝐤𝐨𝐧𝐭𝐫𝐮 𝐧𝐞’𝐞 𝐢𝐭𝐚 𝐤𝐨’𝐚𝐥𝐢𝐚 𝐦𝐨́𝐬 𝐤𝐨𝐧𝐚-𝐛𝐚́ 𝐨𝐢𝐧𝐬𝐚́ 𝐚𝐭𝐮 𝐤𝐨𝐦𝐛𝐚𝐭𝐞 𝐩𝐞𝐬𝐤𝐚 𝐢𝐥𝐞𝐠𝐚́𝐥 𝐢𝐡𝐚 𝐭𝐚𝐬𝐢 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐨 𝐀𝐮𝐬𝐭𝐫𝐚́𝐥𝐢𝐚. 𝐀𝐮𝐬𝐭𝐫𝐚́𝐥𝐢𝐚 𝐤𝐨𝐧𝐬𝐢𝐝𝐞𝐫𝐚 𝐚𝐭𝐢𝐯𝐢𝐝𝐚𝐝𝐞 𝐢𝐥𝐞𝐠𝐚́𝐥 𝐧𝐞’𝐞 𝐡𝐚𝐧𝐞𝐬𝐚𝐧 𝐚𝐦𝐞𝐚𝐬𝐚 𝐛𝐨’𝐨𝐭 𝐢𝐝𝐚 𝐧𝐞’𝐞𝐛𝐞́ 𝐚𝐟𝐞𝐭𝐚 𝐞𝐤𝐨𝐧𝐨𝐦𝐢𝐚 𝐧𝐚𝐬𝐚𝐮𝐧 𝐧𝐢𝐚𝐧. 𝐓𝐚𝐧𝐛𝐚 𝐧𝐞’𝐞, 𝐢𝐭𝐚 𝐬𝐞𝐫𝐯𝐢𝐬𝐮 𝐡𝐚𝐦𝐮𝐭𝐮𝐤 𝐚𝐭𝐮 𝐤𝐨𝐦𝐛𝐚𝐭𝐞 𝐚𝐭𝐢𝐯𝐢𝐝𝐚𝐝𝐞 𝐬𝐢𝐫𝐚 𝐧𝐞’𝐞,” nia subliña.
Kooperasaun iha área fronteira marítima importante atu hametin kapasidade nasaun rua nian iha prevensaun no kombate krime transnasionál, inklui atividade peska ilegál, no asegura katak rekursu tasi bele jere ho responsabilidade.
Enkontru ne’e mós reflete kontinuidade relasaun servisu entre Timor-Leste ho Austrália, liuliu iha área seguransa marítima no esforsu konjuntu atu responde bá dezafiu sira ne’ebé afeta interese komún nasaun rua nian.
Akompaña Primeiru-Ministru durante enkontru ne’e maka Embaixadora Austrália iha Timor-Leste, Caitlin Wilson.
