Koordena Seguransa Kapital Dili, Komisariu Pedro Belo Vizita Komando PNTL Dili

DILI, www.news-viptv.com – Hodi asegura nafatin situasaun seguransa iha Timor-Leste hakmatek, liliu iha Kapital Dili liga ho vizita Amu Papa iha Setembru, Komandante Jeral Interinu, Komisariu Pedro Belo halo vizita ba Kuartel Komando PNTL Munisipiu Dili, Segunda (24/6/2024).

Komisariu Pedro Belo esplika, vizita ne’ebe nia halo hodi exekuta ordem Komando Jeral nian tuir orientasaun husi Ministru Interior no Ministru Administrasaun Estatal.

Nu’udar Komandante Komando PNTL Munisipiu Dili, Superintendente Xefi Orlando Gomes pronto exekuta ordem estadu no husu ba nia membru sira atu hamutuk mos ho komunidade prevene konflitu liliu iha fatin risku sira.

Relasiona ho euforia adeptus futebol ba kopa euro liliu iha Kapital Dili, Komisariu Pedro Belo husu atu kumpri nafatin regras ne’ebe iha, liliu regras tranzitu.