HWPL Realiza Formasaun Edukador ba Paz ba Rejiaun Afrikanu no Azia

DILI, www.news-viptv.com – Iha Abril no Maiu, organizasaun internasionál kona-ba pás Kultura Lalehan, Pas Mundial, Restaurasaun Light (HWPL) organiza seremónia formasaun edukador ba paz iha nasaun sira parte husi Rejiaun Afrikanu no Azia.

Iha komunikadu imprensa ne’ebe redasaun simu esplika, Departamentu Edukasaun ba Pas HWPL estabelese ona kurríkulu ida kona-ba lisaun 12 ne’ebé ho objetivu atu eduka edukador globál sira atu sai sidadaun dame no peritu edukasaun dame nian sira, hodi hatudu valór sira ne’ebé bazeia ba domin hanesan agradese, konsiderasaun, sakrifísiu, perdua no respeitu.

Kursu formasaun ba edukador ba paz ne’e hala’o iha lian Ingles liu sesaun lima, ne’ebé hala’o semana-semana iha loron Sabadu husi tuku 7:30 lokraik, husi loron 19 Abril 2024 to’o loron 18 Maiu 2024.

Formasaun ne’ebé hala’o liuhusi enkontru online Zoom ne’e, partisipa husi edukador na’in 72 ne’ebé iha interese ba edukasaun dame husi nasaun oioin iha Afrika no Azia, inklui Kameraun, Burkina Faso, Republika Central Afrika, Laos, Japaun, Burundi, no Rwanda. Husi Rejiaun Afrikanu nian ne’ebe dadauk ne’e iha konflitu hela iha nain 29 husi Kameraun, no 21 husi Burkina Faso. Inklui edukador husi Rwanda no Burundi ne’ebé uluk hetan ona treinamentu, partisipa fali hodi hakle’an liután sira-nia komprensaun kona-ba edukasaun dame nian.

“Edukasaun ba Paz hanesan edukasaun ida-ne’ebé promove sidadaun dame ho valór no espíritu dame. HWPL propoin edukasaun dame nu’udar dalan atu husik mundu dame nian ne’ebé furak nu’udar liman-rohan ba jerasaun sira tuir mai no implementa hela Programa Formasaun Edukador da Pas nian iha mundu tomak, ho alvu ba edukador sira, atu nune’e sira bele hetan koñesimentu kona-ba kurríkulu 12 kona-ba signifikasaun, valór no kualifikasaun dame nian, hodi nune’e sira bele hanorin konseitu hirak-ne’e ba estudante sira,” hakerek komunikadu ne’e.

Kurikulu lisaun 12 fahe ba parte rua. Iha Parte 1, liuhusi lisaun 1 to’o 4, partisipante sira aprende kona-ba prosesu ema husi rasa oioin, relijiaun, kultura, nasionál, ideolojia no ezemplu sira ne’ebé mai hamutuk hodi forma relasaun ne’ebé iha orden no armonia, nune’e mós signifikasaun loloos no valór dame nian. Iha Parte 2, liuhusi lisaun 5 to’o 12, sira aprende dalan espesífiku atu moris iha armonia ho ema hotu no komunidade sira iha mundu tomak, la’ós de’it família no viziñu sira.

“Hau sei hahú diskursu ida-ne’e hodi agradese ba staff sira husi HWPL tanba introdús HWPL no Edukasaun ba Paz mai ha’u. Nu’udar mestre no administradór eskola iha rejiaun ida-ne’ebé hamosu konflitu iha rai-Kameraun, ha’u aprende barak liu tan kona-ba edukasaun dame nian, tanba ne’e ha’u iha motivasaun atu harii ha’u-nia kapasidade atu harii dame,” hateten Benyella Godwin Tafoan, Mestre iha Eskola Sekundaria Publiku Bilingual Atiela.

Nia hateten tan, buat ne’ebé di’ak liu mak lisaun 3 ne’ebé fiar mak impaktu boot liu hosi lisaun hotu. Iha ne’e sira aprende katak kaan-teen (keserakahan, iha lian Indonesia) mak kauza ba konflitu hotu-hotu. Se kaan-teen mak fini husi konflitu, entaun domin mak fini dame nian. Mai ita hotu kuda fini dame nian, mai ita hatudu domin. Ne’e mak liafuan moris nian no hahalok ne’ebé sei lori dame ba mundu tomak.

Eskola Sekundaria Publiku Bilingual Atiela planeia atu implementa edukasaun dame ba membru funsionáriu sira ne’ebé foin nomeadu liu husi MoU ne’ebé asina ona foin lalais ho HWPL. Ida ne’e sei habelar sira-nia esperiénsia, hodi fó dalan ba edukador sira atu sai matadalan ba dame mundiál.

Liu husi formasaun edukador ba paz nian, partisipante sira iha sira-nia kompromisu atu promove sidadaun sira ne’ebé hanoin kona-ba dame no habelar kultura dame nian iha públiku nia leet.