LIGA TIMORENSE SEGUNDA DIVISAUN I AC. MAMURA HALAKON ACADEMICA 2-1

DILI, www.news-viptv.com – Klubu promovidu husi Kakaulidun, Dili, AC. MAMURA iha nia jogu dahuluk Segunda divisaun nian, konsege manan Academica 2-1, iha jogu ne’ebe halao iha Estadiu Munisipal Dili.

Treina husi Edi Fernandes, Soldadu El-Rosas ne’ebe tuun ho jersey Matak, hahu kedan ataka Academica no konsege hamosu ameasa ba baliza adversariu dalarua durante minutu 15 jogu dahuluk.

Ho servisu hamutuk ne’ebe kapas no organizadu, Volter Klau iha minutu 23 konsege les baliza Academica ho suta first time hafoin simu assit husi nia maluk Delivio Lobo. 1-0 AC. Mamura lidera jogu.

Hafoin gol Walter nian, Academica konsege atu empata jogu, maibe ho matenek baliza Mamura nian, Boavento Moniz bele salva bola ne’ebe atu tama ba Mamura nia baliza.

Avansadu Mamura, Delivio Lobo mos bele haboot golu Mamura nian, maibe bola sei dook husi ring baliza Academica.

Delivio Lobo iha minutu 43, konsege aumenta golu Mamura 2-0, liu husi kabesa ne’ebe nia halo ho on target ne’ebe labele antisipa ho diak husi baliza academica.

Iha Segunda parte, Academica konsege halo mudansa estrategia hodi konsege lidera jogu no fo ameasa ba baliza Mamura, ne’ebe guarda husi Boavento Moniz.

To’o iha minutu 55, Jogador estranjeiru Academica nian, Sony Aplunggi ne’ebe livre ho lais uza nia ulun hodi kabesa tama bola ne’ebe fo husi nia kolega. 2-1, Academica hamihis nia derota.

Ekipa rua hafoin golu sony nian ne’e la halo tan golu no Mamura xavi kedan pontu tolu dahuluk ba nia jogu refere.

Treinador Academica, Luizinho dos Santos kongratula vitoria ne’ebe Mamura hetan husi nia ekipa no konsidera Mamura nu’udar ekipa forte iha Segunda divisaun.

Entertantu treinador AC. MAMURA, Edi Fernandes senti kontenti ho rezultadu ne’ebe nia Jogador hetan hodi hadau pontu 3.

Iha jogu tuir mai, AC. Mamura sei hasoru klubu promovidu seluk husi Munisipiu Ermera, FC. Weasel iha 31 Maiu.