banner 1000x250

DNTT Hasoru Menus RH iha Manufahi, Laiha Edifisiu iha Covalima

  • Share
PM Xanana wainhira observa projetu estrada sira iha Munisipiu Manufahi. Photo: Media GPM
banner 728x90

DILI, www.news-viptv.com – Komisaun E Parlamentu Nasional iha sira nia inkontru komisaun relata katak husi fiskalizasaun ne’ebe halo ba munisipiu detekta Diresaun Nasional Transporte Terreste (DNTT) iha Munisipiu Manufahi menus rekursu humanu (RH) no laiha edifisiu ou fatin servisu iha Munisipiu Covalima.

Ho problema hirak ne’e, Prezidenti Komisaun E, Marcos Xavier hateten, sira sei hato’o ba governu, espesialmente Ministeriu Transporte no Komikasaun atu bele tau orsamentu ba tinan fiskal 2026.

banner 1000x250

“Ami hare ba iha Munisípiu Manufahi, ami detekta hare liuliu iha DNTT, iha funsionariu mak menus, sira rekomenda mai komisaun par oinsá bele hato’o ba iha governu iha orsamentu 2026 nian mai bele aumenta funsionariu DNTT iha Munisípiu Manufahi. Ami mós ba iha Suai, sira laiha fatin, sira uza hela fatin ne’ebé mak prezidente autoridade fo sira uza hela, sira husu ba komisaun par oinsá, iha tinan 2026  mai ne’e, bele mós sira iha fatin ruma sira bele halo servisu, tamba ita nota kada DNTT ne’e hatama osan, hatama osan ba kofre estadu, ho ida ne’e maka komisaun anota hela, ami mós tau hela iha relatoriu rekonmendasaun sira ne’e,” dehan Deputadu Marcos ba jornalista sira hafoin aprova relatoriu servisu fiskalizasaun ba Munisipiu Manufahi no Covalima.

Iha fiskalizasaun ne’e, komisaun fiskaliza ba servisu sira ne’ebe halao husi Ministeriu Obras públik (MOP), Ministeriu Transporte no Telekomonikasaun (MTK) no Ministeriu Planeamentu Investimentu Estratejiku (MPIE). Husi fiskalizaun ba projetu emerjensia sira ne’ebe iha Manufahi hamutuk 40 konsege finaliza ona.

Maibe, ba projetu P44, komisaun detekta balun la lao. “Hare ba projetu PDM, ne’ebé maka munisípiu sira tau matan, ami hare katak projetu sira ne’e balu la la’o tamba, iha mós impedimentu kona ba rai, mais injeral buat hotu la’o ho di’ak, liuliu projetu PDM nemos nia kualidade kapás.

Hodi hatutan, “Ami hare rekomenda ba iha Munisípiu Manufahi, liuliu prezidente autoridade ho nia diretor sira para oinsá bele mós fo nafatin ba ita nia emprezariu lokál sira para kapasita sira,se sira halo karik monitor nafatin sira par oinsá obra ne’e bele sai di’ak liu tan.

  • Share

Leave a Reply

Your email address will not be published. Required fields are marked *

error: Content is protected !!