Dezastre Naturais 4-11 Novembru, Anin Bo’ot no Ahi-Han Estraga Uma 16, Ema 1 Mate Tamba Mout

DILI, www.news-viptv.com  – Dezastre naturais ne’ebe Autoridade Protesaun Sivil (APC) rejista durante period 4-11 Novembru 2024, uma 16 maka hetan estragus tamba anin bo’ot no ahi-han.

Iha periodu ne’e mos, APC rejista ema ida mate iha Aldeia Orala, Postu Vemasse, Munsiipiu Baucau tamba mout iha tasi laran ne’ebe akontese iha 3 Novembru. Vitima mate ne’e ho naran Felisiano da Costa Freitas.

“Sentru Nasional Operasaun Sivil regista kazu ne’ebé mak akontese dezastre iha semana ne’e ho tipu dezastre rua, anin sobu no ahi-han husi tipu dezastre ne’e rejista numeru estragus hamutuk 16,” informa Cipriano Mesquita, Pontu Vogal Media APC ba jornalista sira iha konferensia imprensa, Segunda (11/11/2024), iha edifisiu APC Kaikoli, Dili.

Husi uma ne’ebe hetan estragus mai husi Munisipiu Bobonaru rejista anin sobu uma 1 no ahi-han uma 1, Covalima ahi-han uma 1, Ermera ahi-han uma 2, Lautem anin sobu uma 1, Liquisa anin sobu uma 7, Manatutu anin sobu uma 5 no ahi han uma 1, Viqueque anin sobu uma 4.

Vitima sira ne’ebe nia uma hetan estragus, APC fo ona apoiu emerjensia iha kada munisipiu.