banner 1000x250

Dezastre Periodu 13-20 Janieiru, Ema 27 Afetadu

  • Share
Offisial bombeiros ida hamate hela ahi ne'ebe han uma komunidade nian iha Suku Lifau, Sub Rejiaun Pante Makasar, RAEOA. Photo: Media APC
banner 728x90

DILI, www.news-viptv.com  –  Autoridade Protesaun Sivil (APC) durante period 13 to’o 20 Janieiru 2025 rejista ema hamutuk 27 maka afetadu tamba dezastre naturais ne’ebe akontese.

Xefi Seksaun Relasaun External APC, Nelson Orleans.

Xefe Seksaun Relasaun Externa iha Gabinete Relasaun Externa no Komunikasaun APC, Nelson Orleans informa katak ema nain 27 ne’ebe afetadu ne’e husi munisipiu 5.

banner 1000x250

“APC rejista kazu dezastre hamutuk maka hanesan be’e sae, ai-han uma, anin bo’ot, rai halai nomos numeru ema afetadu hamutuk 27. Liuhusi Munisipiu sira hanesan tuir mai ne’e,  Munisipiu Aileu rai lakan fera ema ida mate fatin, Munisipiu Baucau ai-han uma ida, Munisipiu Dili anin sobu uma ida ai-han uma ida, Munisipiu Ermera anin sobu uma ida, Munisipiu Manufahi anin sobu uma ida, Munisipiu Viqueque mota lori ema ida vitima seidauk hetan to agora no iha ne’e ai-han uma ida,” dehan Nelson Orleand iha konferensia imprensa, Segunda (20/1/2025), iha edifisiu APC, Kaikoli-Dili.

Ba mate ida ne’ebe rejista hosi Munisipiu Aileu ne’e maka foinsa’e ho naran Joel de Araujo (idade tinan 14) mate tamba kona rai-lakan.

Ho mudansa klimatika, APC apela nafatin ba komunidade wainhira atu halo viazem ba munisipiu atu hare mos kondisaun kareta diak ou lae, no ba ema ne’ebe lahatene nanin atu labele tama mota laran ou tasi laran no mos husu labele soe sigare latun iha duut maran sira.

APC mos iha tinan ne’e kontinua mos atu halo sosializasaun Lei Baze Protesaun Sivil nian atu nune’e komunidade mos bele komprende ba servisu APC no oinsa kontribuisaun komunidade nian bai ha servisu sira APC nian.

  • Share

Leave a Reply

Your email address will not be published. Required fields are marked *

error: Content is protected !!