Anin Bo’ot Estraga Uma 29 iha Munisipiu

DILI, www.news-viptv.com – Udan ho anin ne’ebe akontese iha teritoriu Timor-Leste durante periodu 3 to’o 10 Fevereiru 2025 rezulta komunidade nia uma hamutuk 25 hetan estragus.

Vitima dezastre anin bo’ot simu ona apoia emerjensia husi APC Munisipiu Ermera. Photo: APC

Xefi Seksaun Komunikasaun GREC-APC, Nelson Orleans informa uma 25 komunidade nian ne’e barak liu rejista iha Munisipiu Ermera ho uma 8 no Liquisa uma 7.

Seluk rejista iha munisipiu Aileu 3, Bobonaro 2, Covalima 2, Dili 2, Manufahi 2 no Viqueque 2.

“Hahu husi loron 3 to’o 10 Fevereiru 2025, iha durante semana ida ne’e iha rejiaun Timor-Leste akontese tipu dezastre ne’ebe CNOP – APC rejistu kazu dezastre ne’ebe hamutuk hanesan anin bo’ot hamutuk 29,” dehan Nelson Orleans ba jornalista sira, Segunda (10/2/2025), iha edifisiu APC Kaikoli, Dili.

Husi numeru uma ne’ebe hetan estragus, APC rejista ema afetadu hamutuk 185 no evakua hamutuk 99.

Alende anin bo’ot, APC rejista uma 5 maka ahi han ne’ebe akontese iha Aileu 1, Covalima 1, Dili 1 no Manufahi 2.

Ba rai halai, uma 4 iha Ainaro maka hetan estragus, Bobonaro 1, no Liquisa 2.

Nia mos esplika katak, iha tinan ne’e, APC verifika ona uma 447 ne’ebe tama rekijitus hodi hetan rekoperasaun.